Burela, 30 de Novembro de 2017. O grupo municipal do BNG presentou no pleno celebrado este xoves 30 de Novembro unha moción referente á elaboración dun Plan de Mobilidade e Seguridade Viaria, na que se insta ó goberno local a consignar partidas orzamentarias para desenvolver dito plan. “As obras que se teñen realizado ata o de agora, algunhas moi necesarias e outras non tanto, non responden a un plan ou a un modelo para a vila e o aprobeitamento dos espazos públicos da vila” sinalou o voceiro do BNG, Mario Pillado.
Os nacionalistas pretenden que esa planificación sexa froito dun estudo das necesidades de cada un dos barrios de Burela, no que se mellore o estado das rúas e beirarrúas, que se adecúe á normativa vixente de accesibilidade para persoas de mobilidade reducida e que preste especial atención na seguridade viaria, con medidas tales como pasos de peóns elevados, sinalización lumínica ou velocidade limitada a 30 km/h en certos lugares. “En canto á peonalización de espazos e rúas a posición do bloque é sobradamente coñecida, hai exemplos na nosa comarca e en toda Galiza para ilustrar este feito, como poden ser Ribadeo ou Pontevedra. Pero non se trata de plaxiar nada senón de adaptar a realidade física da nosa vila ás necesidades da veciñanza e deben ser os expertos os que tomen as decisións de qué lugares se converten en peonís e cales non” apuntou Pillado acerca dunha das grandes incógnitas que deixou o goberno local nos últimos tempos.
O BNG non entra en liortas e pide solucións para as taxas que pagan os veciños.
A meirande parte dos puntos da orde do día estaban relacionados coa aplicación do IPC a taxas tales como a da recollida e xestión do lixo, a da distribución de auga e a do servizo de sumidoiro. Neste ámbito PP e PSOE son protagonistas da nefasta xestión dos servizos básicos, posto que en Burela págase a auga e o lixo mais caros de Galiza. “É unha liorta típica do bipartidismo, que agocha a incapacidade na xestión de ambos bandos o que nos leva a ter servizos básicos externalizados que se traducen nuns prezos abusivos para o conxunto da veciñanza. Do mesmo xeito que o ano pasado baixaron as taxas porque así o fixo o IPC, este ano poden voltar a subir, pero dende o goberno municipal non se realiza xestión algunha para mudar esta situación que están a pagar as burelás e os burelaos” espetou Mario Pillado.
Os nacionalistas tamén se interesaron pola situación do profesorado na Escola de Música e pola situación do servizo de pediatría no Centro de Saúde, actualmente en cadro.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
