AMAM visita a casa da terceira idade de Burela e o Hospital da Costa

Burela 27-12-17. Coma todos os anos por estas datas, AMAM (Asociación de Magos Afeccionados da Mariña), viaxará coa ilusión e o sorriso que leva dentro ata os puntos onde máis maxia precisan nestes días. Este mércores 27, Amam estará na casa da terceira idade de Burela, ás 18:00 tres magos da asociación achegarán toda a maxia, ilusión e humor ás persoas que alí pasan todo o ano, para que nestas datas tan sentimentais, recollan ese anaco de maxia que dende a nosa asociación entregamos coas mans abertas e con toda a nosa ilusión.
Tamén, o venres día 29, tamén a partir das 18:00 h, os magos de AMAM achegaránse ata o hospital da Costa, onde, coma todos os anos, pasaremos unha tarde de humor e ilusión coas nenas e nenos de 0 a 150 anos que por circunstancias especiais teñen que pasar alí estes días, e así, facer unha xornada distinta e especial, que quede para o recordo e sirva para olvidarse por unhas horas dos problemas diarios das enfermidades.