Burela 27-12-17. A nova cara burelista, o pivote Héctor Albadalejo Blázquez (Barcelona, 1982) foi presentado oficialmente polo Pescados Rubén Burela FS na compaña do presidente, Manuel Blanco Fanego, e do directivo Auditor Rodríguez Lombardía, que destacaron a “experiencia e olfacto finalizador” do xogador. “Sempre tiven uns bos números goleadores; non o tomo como unha meta pero una das miñas virtudes é o gol e saber estar no lugar axeitado no momento axeitado. Á parte de achegar experiencia espero contribuír con gol, primando por riba de todo o ben colectivo. Así que espero que coa miña achega o equipo estea máis tranquilo de cara ao gol, axudando sempre a gañar partidos” explicaba o pivote, que regresa á liga española procedente do Real Rieti da Serie A italiana, onde ostenta unha media de 30 goles.
O xogador, de 35 anos, non o dubidou: “Antes ou despois tiña que regresar e creo que este é o momento xusto para facelo; foi unha decisión moi doada. Tiña ganas de volver á liga española logo de 6 anos en Italia e Bélxica. Esta é a liga que me viu medrar e me deu tantas alegrías e coa que máis gocei neste deporte” confesaba con entusiasmo o catalán, que chega á comarca da Mariña “como mellor xogador e evidentemente mellor persoa”: “Estes anos servíronme para darme conta de que hai vida máis aló do fútbol sala español. Toda a experiencia que adquirín a nivel internacional axúdame a tomar mellores decisións nos partidos”.
Héctor ve o Pescados Rubén Burela FS con moitas posibilidades para a segunda volta: “Aínda que estaba fóra da casa, sempre me gustou seguir o fútbol sala nacional. É un equipo novo, pero con moita ambición e moitas ganas de facer as cousas ben. Non coñezo moito a liga para valorar rivais, pero creo que o equipo está nunha boa posición; creo que con traballo e esforzo pode pelexar polo play off”, explicaba o novo laranxa, que xa puido adestrar a semana pasada coa escuadra de Juanma Marrube: “Aínda non sei moitos mecanismos de traballo, pero considérome unha persoa rica a nivel de experiencia; os 13-14 anos que levou neste deporte a nivel profesional pódenme axudar a unha rápida adaptación nesta nova aventura”, concluía na súa presentación o pivote.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
