En marcha a nova máquina climatizadora da piscina municipal de Xove

Xove 19-12-17. A Piscina Municipal de Xove está en obras dende comezos de agosto, consistentes en cambio de parte do teito, obra realizada pola empresa xovense EVOX e dotación dunha nova climatización interior da Piscina, a cargo da empresa IAM RUMBO de A Coruña.

En canto á obra de sustitución do teito, procedeuse á sustitución da metade que había quedado do pasado ano, co cal o que fixo EVOX foi completar a obra de sustitución integral do teito.

Cambio da climatización da Piscina Municipal coa instalación dunha nova maquinaria

Unha vez rematada a obra do teito, procedeuse a sustitución da vella climatización. Para esta importante obra presentáronse un total de 10 empresas, que contaban cunha licitación de 253.180,70 €uros. Resolto o concurso, a empresa IAM RUMBO fíxose coa obra por un importe de 189.171,98 €uros, cunha rebaixa do 25 %. Esta obra supón unha mellora moi grande na climatización interior da piscina, cun control máis exhaustivo e exacto da humidade e da temperatura, o que se consigue grazas á instalación de máquinas ultramodernas de última xeneración.

A nova climatización supón unha maior temperatura ambiental na piscina e unha menor humidade, polo que a sensación térmica dos usuarios vai mellorar moito. Toda esta mellora na climatización é posible porque acaba de instalarse unha nova máquina climatizadora de última xeneración, moito máis potente e efectiva, a cal xa está en funcionamento; lóxicamente, ademáis da máquina, cambiáronse tódalas tuberías de conducción do aire na piscina; ao ser unha máquina moito máis potente que a antiga, move moitos máis metros cúbicos de aire, polo que as tuberías de conducción teñen tamén moito máis grosor. A nova climatización cumpre con total holgura tódolos parámetros (temperatura e humidade) que a normativa vixente lle esixe a unha instalación deste tipo.

Temos que decir que a instalación dunha nova maquinaria de climatización foi lóxica e necesaria, se temos en conta que a piscina de Xove (piscina pública climatizada máis antiga da Provincia de Lugo) cumpleu neste 2017 os seus 30 anos de funcionamento.