Moción do grupo municipal de “Foz, plataforma de futuro”, para instar ó Ministerio de fomento a que adiante os prazos de execución de reparación da N-642 ó seu paso polo Concello

Foz 19-12-17. O Grupo Municipal de Foz Plataforma de Futuro, Luís Alfonso Sixto Legaspi, Juan Luís González Riveiro e María Peña Rubiños Fernández a través do seu voceiro Luís Alfonso Sixto Legaspi presenta para o seu debate e aprobación no pleno deste Concello a seguinte moción:
EXPOSICIÓN DE MOTIVOS
Como é coñecido por todos, para “Foz, Plataforma de Futuro” a N-642 foi unha das nosas maiores preocupacións dende que levamos traballando na política local en Foz, fixemos numerosa campañas para que foran atendidas as reclamacións dos miles de usuarios que esta estrada ten cada día e trouxemos a Pleno diferentes cuestións relacionadas coa N-642 . Estas campañas xunto a outras reclamacións doutros grupos políticos fixeron que se empezasen a tomar medidas para mellorar o firme da única vía de comunicación por estrada que temos na Mariña. O ano pasado nunha primeira fase procedeuse a reparar parte desta vía ó paso polo noso Concello, pero incomprensiblemente o diñeiro non chegou para reparar todo o treito e a maiores saltouse un tramo do noso Concello como foi o de Fazouro a Cangas que quedou nun estado lamentable. Coa chegada das primeiras choivas deste ano, o tramo entre Fazouro e Cangas, pasou de ser unha estrada en malas condicións a un camiño de carros, con numerosas fochancas, algunha delas imposible de sortear polos vehículos. Isto suporá ver ós operarios de estradas con bidóns de chapapote tapando estas fochancas como estamos acostumados a velos durante os últimos anos. O noso Alcalde ten moita presa por realizar algunhas obras determinadas do noso Concello, pero sen embargo vémoslle pouca preocupación pola estrada N-642.
Somos coñecedores que hai un presuposto aprobado de 3M. de € para acabar de reparar esta vía, temos coñecemento de que esta licitado e adxudicada esta obra, pero polas últimas informacións que temos, non se vai proceder a executar hasta a primavera. A vista de todos está que non se pode esperar a esa fecha, polo estado da N-642 e pola seguridade dos usuarios desta vía, autobuses escolares, ambulancias, etc.
Por todo o anteriormente exposto propoñemos á Corporación Municipal a aprobación do seguinte acordo:
-Instar ó Ministerio de Fomento a que axilice os tramites pertinentes e execute a reparación dos tramos que falta da N-642 o máximo posible, para poder circular por esta vía coa máxima seguridade posible.