Cervo, de novembro de 2017.- O Concello de Cervo, conxuntamente con Paco Piñeiro, organiza para o vindeiro sábado día 30, un acto homenaxe con motivo do Centenario das Escolas de Cervo.
Así, para conmemorar esa efeméride, Paco Piñeiro, leva meses traballando na creación da Crónica Histórico-Literaria da Parroquia de Santa María de Cervo.
Un libro que foi editado polo Concello de Cervo, e que será presentado nun acto aberto ao público o mesmo día do Centenario.
Tal e como apuntou o rexedor, Alfonso Villares, que presentou o acto hoxe na Sala de Xuntas do Concello xunto a Paco Piñeiro; “eu xa tiven a oportunidade de poder ver un esbozo do gran traballo que fixo Paco Piñeiro, e que será sen dúbida un manual imprescindible en cada fogar cervense porque é unha extraordinaria recomplación que abrangue o pasado, pero que tamén pretende recoller referencias ao noso presente”.
O acto está previsto que comece ás 16:00 horas, e o punto de encontro será o edificio das Escolas Vellas; xa a continuación terá lugar a inauguración dunha exposición de fotografías antigas da parroquia de Cervo, no Ecomuseo.
O acto central, a presentación ao público da Crónica histórico-literaria da Parroquia de Santa María de Cervo, será no salón de actos do Concello.
O evento, moderado polo historiador e comunicador, Ramón González Rey, estará acompañado por diversas interpretacións musicais e poéticas, e rematará cun aperitivo de confraternidade para todos os asistentes.
O Concello de Cervo convida a todos os veciños a participar neste acto que conecta pasado e presente por medio desta peza bibliográfica “que ten que ser un manual imprescindible nas vitrinas das nosas casas e que debemos transmitir de xeración e xeración porque é fundamental saber de onde vimos, e o gran esforzo que lles custou aos nosos antepasados conseguir o que hoxe temos”; apuntou o rexedor.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
