LUGO, 21 de decembro de 2017.- O Grupo Provincial do Partido Popular facilitou a aprobación dos Orzamentos da Deputación para 2018, ao cumprirse o acordo de mínimos iniciado no ano 2016 e esixido xa naquel ano polo PP. Deste xeito, a voceira popular, Elena Candia, puxo de relevo que a acción deste Grupo está a ser decisiva para que a negociación emprendida hai dous anos se manteña en 2018, de aí que este Grupo optase pola abstención.
Concretamente, a xestión dos populares “marcou un antes e un despois no reparto dos recursos provinciais, sendo moito máis equitativo para os Concellos e paliou a discriminación e sequía que durante oito anos sofriron moitos dos municipios da provincia”. Así o subliñou a voceira do PP, quen logo de advertir que “estes Orzamentos teñen un retraso dun mes”, matizou que “esta Institución non é unha mera chequera para os municipios, senón que ten que ter un proxecto de provincia e cubrir os aspectos individuais que os Concellos non son capaces de poñer en marcha por si sós”.
Elena Candia fixo esta valoración en alusión á escasa vontade do Goberno por incluír no documento de Orzamentos a batería de propostas que foi enviada ao presidente a semana pasada para “facer provincia”. “Perdeuse unha oportunidade de seguir avanzando”, indicou, ao tempo que criticou que “nin tan sequera fosen lidas polo Goberno”, a pesares de seren todas acordos que respaldou unanimemente a Corporación.
“Os veciños desta provincia saben como gobernaban cando tiñan un pacto co Bloque Nacionalista Galego”. Como exemplo, Elena Candia citou a Lei de Servizos Sociais de 2008, desenvolvida por un decreto de 2012. Neste caso, “mentras que todas as deputacións galegas cumpriron este decreto, a de Lugo declarouse a estilo Puigdemont, non respectándoo ao igual que fixo este coa Constitución Española”.
“Facemos historia”
Durante a súa intervención, e logo de que o BNG manifestara publicamente que o sentido do seu voto iría en función da postura do Partido Popular, a voceira do Grupo do PP destacou que “facemos historia”.
“Isto enorgullécenos, malia que iso é menos importante, pois o realmente destacable é o que dixeron, xa que deron moitas razóns para votar unha abstención cando menos. Calquera veciño que os escoitara, concluiría que estes Orzamentos non lles gustan moito e que, como pouco, os consideran mellorables”, sinalou Candia en resposta aos deputados do BNG.
Esixencias do PP
A voceira do PP, lonxe de conformarse co proxecto aprobado polo PSOE e o BNG, pois adolece “dun proxecto claro de provincia”, aproveitou a ocasión para poñer en valor que “temos a obriga de pedir máis e o que pretendemos é que se cumpran os acordos plenarios e o que decidimos os 25 deputados para seguir avanzando”, como así aconteceu con outras iniciativas que estaban estancadas ata que o PP impulsou cambios. É o caso das residencias, “que estaban en cemento”, apuntou.
A popular referiuse así, en resposta á intervención da voceira do PSOE sobre a situación destas infraestruturas, logo de que a socialista recoñecese que estas contas non garanten o funcionamento das mesmas e precisan de modificacións futuras.
Diante esta afirmación, que evidencia claramente que estes Orzamentos teñen carencias, Elena Candia apelou, unha vez máis, á responsabilidade do Goberno respecto deste asunto: “que xestión queren? Se estamos aprobando os Orzamentos, é o momento de garantir unha xestión pública e a cantidade orzamentaria suficiente”. E é que, a diferencia da postura dos socialistas, “nós sempre demostramos que, nunha era tan convulsa, intentamos ser absolutamente responsables e que tiñamos unha voz única e responsable”, sentenciou.
Outros asuntos
Noutra orde de asuntos, os populares tamén amosaron o seu apoio público á asociación Raiolas, votando a favor da addenda ao convenio da subvención excepcional outorgada a esta entidade co obxectivo de colaborar no financiamento da legalización e adecuación do edificio para centro de día para persoas con TEA. Asemade, tamén deron o seu voto positivo á proposta para a provisión do posto de Secretario/Interventor e abstivéronse no asunto relacionado coa revisión e modificación da Relación de Postos de Traballo (RPT) do organismo provincial.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
