Hai días nos que, de súpeto, todo cambia; hoxe pode ser un deses.
E non me mal interprete, xa en plena tempada de nadal certo é que a lotaría pode mudarlle a existencia a algún, pero non se trata diso. Xa saben, o que rápido ven logo marcha e só afecta a uns poucos, cousas do azar. Estamos a falar nestes intres de cambios con vocación de permanencia, de decisións que afectan á colectividade.
Hoxe, día 21 de decembro, día festivo en Catalunya, pode ser unha desas datas que condicione irremediablemente todo o que poda vir logo. Hoxe, despois do 1 de outubro e da disolución do parlament catalán, despois da aplicación do art. 155, logo de mil e un telexornais e editoriais de prensa escrita, logo da detención e procesamento dos políticos cataláns, despois de centos de incendiadas tertulias.
Un eventual escenario onde a opción de goberno acade unha maioría independentista suporía abrir definitivamente o melón da constitución do 78, rachar co modelo da transición e redefinir coordenadas.
Entón xa non se trataría do esgotamento do estado das autonomías, que daba entrada ás comunidades a través do título VIII e distinguía os privilexios de Navarra nunha disposición adicional.
Tampouco do fin da monarquía parlamentaria, cun 62 % dos españois, segundo o CIS, favorables á convocatoria dun referéndum ó respecto.
Nin sequera da quebra do modelo laboral, coas taxas de desemprego máis altas dos países occidentais, do sistema xudicial, co cuestionamento permanente da súa eficacia e independencia, ou do estado social, que pouco a pouco se foi desmantelando botando man do fondo de reserva para pagar pensións ou empobrecendo servizos que outrora foran modelo coma a sanidade.
Chegados ata este punto sería imprescindible manter un debate conxunto en relación coa lei; se a constitución é un verdadeiro contrato social debe de vir precedida, inevitablemente, dunha gran conversación, dun diálogo colectivo.
E non esquezan un matiz, ó marxe do resultado de calquera proceso electoral todas estas cuestións están agardando, pendentes e o seu tratamento é inexorable. Será antes ou logo, pero de seguro será.
Unha lectura crítica e o cuestionamento da legalidade levará tamén a un análise sobre a lei electoral, a propósito dos mecanismos de participación cidadán, sobre a estabilidade orzamentaria fixada no art. 135 da carta magna…
Imaxinen calquera posibilidade, pensen nun lenzo en branco…
Tarde ou cedo tocará falar porque calquera solución posible só pode saír da reflexión e do diálogo.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
