Cervo, 21 de decembro de 2017.- O Concello de Cervo vén de editar 1000 exemplares da guía de boas prácticas de reciclaxe Cervo recicla O Nadal.
O alcalde, Alfonso Villares, e a edil de Medio Ambiente, Manuela Méndez, desprazáronse ata os centros educativos da localidade para entregarlle aos alumnos o manual co fin de que chegue a cada un dos fogares do noso municipio.
No Ceip Cervo nº1 tiveron un axudante moi especial, o mesmísimo Papá Noel, que chegaba nese intre a visitar aos nenos e axudou no reparto.
Tal e como explicou o rexedor, o que perseguimos con esta iniciativa é reforzar nestas datas de lecer, de reencontros e de celebracións nas que o consumo se multiplica, esa mensaxe de concienciación entre a cidadanía, para que sexamos conscientes da importancia de reducir o innecesario e de reciclar o que pode ter outras utilidades, favorecendo o medio ambiente e contribuíndo a conservar os nosos recursos.
Así este manual fai un recordatorio moi gráfico e ilustrativo dos diferentes colectores que temos á nosa disposición para reciclar, recorda en que consiste a experiencia da compostaxe doméstica; algo no que dende o Concello de Cervo levamos traballando anos a través dunha campaña na que entregamos composteiros de balde aos veciños que nolo solicitan; e xa son máis de 170 as familias que contan cun recipiente a día de hoxe nos seus fogares. Ademais, temos que recordar, que para favorecer esta práctica entre o coxunto da poboación, este vindeiro ano imos instalar colectores específicos de tapa marrón en lugares estratéxicos do noso Concello para este fin.
No caderno tamén se nos insta a mudar vellos hábitos e a que apliquemos a teoría dos tres erres: Reducir, Reutilizar, Reciclar; e ofrécennos consellos útiles a ter en conta nestas Festas como a importancia de planificar de antemán canto imos mercar, evitar o exceso de embalaxes; envolver os nosos agasallos en papel reciclado; ou, por exemplo, cando pasen as Festas, darlle unha oportunidade á nosa árbore de seguir viva.
Reutilizar os xoguetes, consellos sobre que facer coas pilas usadas, os electrodomésticos ou os móbiles, son outras temáticas que se abordan no libro de boas prácticas.
O Concello de Cervo fixo chegar tamén un lote de libros aos diferentes comercios locais para que os entreguen aos seus clientes; e, entre todos, botarlle unha man ao medio ambiente, tamén durante o Nadal.
O Concello de Cervo difunde entre os escolares e os comercios locais un manual de boas prácticas de reciclaxe no nadal
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
