Lugo, 15 de xaneiro de 2018. 28 lucenses con capacidades diferentes ou en risco de exclusión social que estaban en situación de desemprego están a traballar hoxe en empresas da provincia a través do Ben Emprego 3, máis social. Trátase dunha das programacións de emprego da Deputación mediante a cal o Goberno Provincial decidiu financiar ao 100% os custos laborais de novos traballadores en establecementos de autónomos e PEMES da provincia sempre que se tratasen de veciños no paro e de colectivos vulnerables.
O Presidente, Darío Campos Conde, e a Deputada de Promoción Económica e Social, Sonsoles López Izquierdo, mantiveron este luns un encontro con 3 destes lucenses que retomaron a súa actividade laboral en 2 entidades de Cospeito, así como cos representantes destes negocios. Estiveron acompañados polo Deputado da Terra Chá, Eduardo Vidal Baamonde, así como de membros de COGAMI e FADAS, colectivos que se encargan, neste caso, do Servizo de Intermediación Laboral do Ben Empregado. Este consiste, fundamentalmente, no acompañamento continúo aos traballadores e empresarios para o éxito na relación laboral, poñendo fin a calquera tipo de barreira.
Campos Conde destacou que “coa terceira edición do Ben Empregado ofrecemos por vez primeira financiar na súa totalidade os custos laborais de lucenses desempregados de colectivos vulnerables dentro da nosa aposta por unha Deputación coas persoas e máis social, que traballa pola igualdade de oportunidades. Buscamos unha maior complicidade por parte das empresas e atopámola. É unha satisfacción comprobar que somos útiles e capaces de romper calquera tipo de barreira con compromiso e sumando esforzos. Hoxe son 28 os lucenses nesta situación que xa están a traballar e agardamos coa cuarta edición do Ben Empregado atopar emprego a outros 20 veciños desempregados con capacidades diferentes ou en risco de exclusión laboral”.
Raquel é veciña de Castro de Rei, ten 27 anos e sofre unha enfermidade dexenerativa. Traballa de comunity manager na casa rural Pazo de Verdes, en Cospeito, xestionando as redes sociais e a páxina web deste establecemento. Francisco, veciño de Lugo con 48 anos, é xordo. Tamén traballa en Pazo de Verdes, realizando as funcións de xardinería, mantemento e carpintería.
Gonzalo é de Cospeito e ten 50 anos. Co Ben Empregado da Deputación atopou emprego e ten un contrato indefinido. Traballa en Saiga Muimenta, unha empresa de Cospeito dedicada ao comercio ao por maior de maquinaria para o sector agroalimentario, á reparación desta maquinaria nos seus talleres e á venda de recambios.
Son un total de 28 os lucenses de colectivos vulnerables que estaban no paro e hoxe están a traballar en empresas da provincia grazas ao Ben Empregado 3 da Deputación: 1 traballa nunha empresa da Mariña, 12 da Terra Chá, 11 da Comarca de Lugo, 1 da Comarca de Sarria, 1 da Montaña e 2 de Lemos.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
