47 mariñáns participaron onte na excursión á Fonsagrada e Santa Eulalia de Oscos organizada pola axencia de viaxes Augasantas, de Ribadeo

Corenta e sete veciños da Mariña, concretamente dos concellos de Ribadeo, Barreiros e Foz, participaron onte, domingo, na excursión á Fonsagrada e Santa Eulalia de Oscos organizada pola axencia de viaxes Augasantas, de Ribadeo. Os participantes na viaxe estiveron na Fonsagrada e no seu museo etnográfico, comeron un cocido tradicional típico da zona no complexo hostaleiro O Piñeiral e ademais visitaron o museo da casa natal do Marqués de Sargadelos, neste caso no municipio asturiano de Santa Eulalia de Oscos.