Lugo, 31 de xaneiro de 2018.- A Consellería de Política Social financia con 515.800 euros once programas de inclusión social que promoven oito concellos da provincia de Lugo co fin de desenvolver medidas dirixidas a compensar as dificultades que presentan determinados colectivos en risco de exclusión social.
O delegado territorial da Xunta en Lugo, José Manuel Balseiro, explicou que os concellos beneficiarios das axudas foron os de Viveiro, Burela, Vilalba, Lugo, Guitiriz, Quiroga, Monforte de Lemos e Chantada, que recibiron financiamento para programas de inclusión sociolaboral de colectivos de elevada vulnerabilidade á exclusión social e laboral, e en concreto da poboación xitana, da poboación inmigrante e dos menores a cargo, con accións complementarias de educación e apoio familiar.
Balseiro subliñou que a Xunta “impulsa a igualdade de oportunidades e a participación activa dos colectivos máis desfavorecidos”, con medidas orientadas a compensar as dificultades de integración social e laboral, especialmente entre aqueles grupos que teñen unha menor participación no mercado de traballo e que presentan un maior risco de exclusión.
Así, con esta orde de axudas a consellería apoia tanto os programas de atención ás persoas que precisan dos servizos sociais como a reforma e equipamento dos centros de inclusión e emerxencia social dos concellos, que en moitos casos constitúen o primeiro nivel de atención que brinda ás persoas usuarias o acceso ao resto dos recursos dispoñibles.
Na provincia de Lugo a achega principal foi para o concello da capital, con 120.300 euros destinados a sendos programas de traballo coa comunidade xitana e coa comunidade inmigrante.
O concello de Viveiro recibiu 170.786 euros para tres iniciativas, coa comunidade xitana e inmigrante e a favor dos menores a cargo, e o de Burela 81.877 euros para outros dous programas de intervención social, con poboación inmigrante e con menores.
Igualmente, obtiveron apoio da Consellería de Política Social os concellos de Chantada (45.770 euros), Vilalba (42.700 euros), Quiroga (26.800 euros), Monforte de Lemos (20.054 euros) e Guitiriz (7.520 euros), para distintas iniciativas de traballo relativas aos colectivos en situación de vulnerabilidade social.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
