Balbino Villarmarzo, veciño de Ribadeo, foi o gañador do premio non presencial que Acisa puxo en xogo na súa VII Festa do comercio. O afortunado xa recolleu os 250 euros en vales de compra que lle corresponderon

Ribadeo, 27 de xaneiro de 2018. Un veciño de Ribadeo foi o gañador do premio non presencial que Acisa puxo en xogo na súa VII Festa do Comercio. Balbino Villarmarzo Blanco recibiu 250 euros en vales de compra para consumir nos locais asociados ao longo das vindeiras semanas. A papeleta número 45.454, que coincidiu co Cupón da ONCE do pasado 19 de xaneiro, foille entregada en Panadería La Plaza.
Balbino Villarmarzo pasou polas instalacións de Acisa a recoller o seu premio. En total Acisa repartiu 2.000 euros en vales de compra na súa VII Festa do Comercio.
Merca e Gaña
O xerente de Acisa, Jesús Pérez, asistiu onte en Lugo á entrega de premios aos gañadores do concurso Merca e Gaña, que organizaron durante o pasado Nadal a Deputación Provincial e a Federación de Comercio de Lugo. Pérez foi o encargado de dar os premios aos afortunados de Ribadeo. Un deles foi repartido por un local asociado a Acisa.
A Asociación de Comerciantes, Industriais, Servizos e Autónomos de Ribadeo atendeu así a invitación da Federación de Comercio de Lugo para acudir a este acto, que se desenvolveu no vello cárcere.