Nos últimos 15 días, a Deputación investiu 6,2 millóns na mellora de 124 quilómetros en 45 estradas que discorren por 25 Concellos

Lugo, 26 de xaneiro de 2018. O Presidente da Deputación, Darío Campos Conde, informou que o Goberno Provincial levaba aprobado nos últimos 15 días un investimento de 6,2 millóns de euros na mellora de 124 quilómetros de 45 estradas que discorren por 25 Concellos. “Creo que demostramos que somos a institución que máis inviste en obra pública na nosa provincia, pois a maiores das actuacións nas vías provinciais, levamos aos 67 Concellos máis investimentos para melloras de accesos públicos, traídas de auga, saneamentos, alumeados públicos, instalacións deportivas, culturais, locais sociais…”

Campos Conde explicou que “hoxe acordamos na Xunta de Goberno destinar 1 millón de euros no acondicionamento do firme con aglomerado en quente e incremento da seguridade con nova sinalización horizontal e vertical de 21 quilómetros de 11 estradas en 6 municipios: Taboada, Foz, Pedrafita do Cebreiro, Guntín, Monforte de Lemos e Riotorto. Estes fondos engádense aos 5,2 millóns que acordamos destinar nos pasados días ao arranxo doutros 103 quilómetros de 34 estradas noutros 19 Concellos. Todo isto supón que, en 15 días, aprobamos un investimento de 6,2 millóns para o arranxo dun total de 124 quilómetros de 45 estradas en 25 municipios”.

As obras son as seguintes:

– Taboada: acondicionamento de 3,2 quilómetros de 3 estradas: LU-P-6001, de Taboada, por Ada á LU-213; LU-P-6004, do Alto de San Xulián a Castelo; LU-P-6005, de Taboada a Adá, a Almuiña.

– Foz: acondicionamento de 2,8 quilómetros de 2 estradas: LU-P-2010, de Bao a Ver; e LU-P-2009, do Peirao de Foz a Bispo Santo, por Marzán.

– Riotorto: acondicionamento de 3,8 quilómetros da LU-P-4402, de Paraxes a Lourenzá, por Bretoña, a Muiñonovo.

– Monforte de Lemos: acondicionamento de 3,2 quilómetros de 3 estradas: LU-P-3201 de Monforte a Sober; LU-P-3205 de Monforte a Reboredo, e LU-P-3203 de Monforte a Rozabales.

– Guntín: acondicionamento de 5 quilómetros da LU-P-2403, Lousada (LU-612) -Grolos-Goia (N-540) e ramal a Vilar.

– Pedrafita do Cebreiro: acondicionamento de 3,6 quilómetros da LU-P-1304 de Mostade (LU-P-1303)-Romeor-Casares”

– Ribas do Sil: acondicionamento de 5 quilómetros da LU-P-5302 de San Clodio a Casares.

– Barreiros: acondicionamento de 10,4 quilómetros de 2 estradas: LU-P-6103 de Trabada, por Fórnea; e LU-P-0609, de Vilamar (LU-133)-Gondán-Cruce da Insua

– Baralla: acondicionamento do firme dun treito de 2,7 quilómetros da LU-P-0506, de Longoira, por Sixirei, á estrada de Becerreá e Sarria.

– A Pontenova: acondicionamento de 6,5 quilómetros de 3 estradas: LU-P-1904, de Fonsagrada á Pontenova; LU-P-4805, de Boulloso, por Dodrín, a Figueirúa; e LU-P-4808, da Pontenova, por Vilaouruz, á N-640.

– Becerreá: acondicionamento de 6,9 quilómetros da LU-P-0705, dende a LU-722, por Vilamane e Seivane a Tucende.

– Castroverde: acondicionamento de 4,9 quilómetros da LU-P-1611 (Cinturón Comarcal).

– Lourenzá: acondicionamento de 2,2 quilómetros de 3 estradas provinciais: LU-P-2801, de Santo Tomé, por San Adriano e Augasoxa, a Arroxo; LU-P-2803, de Santo Tomé a Lindín; e LU-P-2805, de Santo Tomé a Santa María Maior.

– Meira: do acondicionamento de 3 quilómetros de 2 estradas provinciais: LU-P- 3003,Meira, por Leiras, á N-640 e LU-P-3005, de Couso a Vilar de Corota.

– Ribeira de Piquín: acondicionamento dun treito de 3 quilómetros da LU-P-4806, da N-640, en Vilaxe, por Galegos e Vilar de Corota.

– A Fonsagrada: acondicionamento de 11,1 quilómetros de 2 estradas provinciais: LU-P-1905, de Vilardías a Carballido e LU-P-1909, de Carballido a Vega de Logares.

– Guitiriz: acondicionamento do firme de 2,3 quilómetros da LU-P-2301, de Guitiriz a Vilares.

– Navia de Suarna: acondicionamento de 10,1 quilómetros de 3 estradas provinciais: LU-P-3501, da LU-P-722, por Paradela ao Alto do Restelo; LU-P-3509, de Navia, por Vitigo, ao Alto de Labiadas e LU-P- 3512, de Cancelada da Serra, por Son e Robledo á LU-722.

– Sarria: acondicionamento de 3,6 quilómetros da LU-P-5602 de Samos por Pintín a Sarria.

– Trabada: acondicionamento de 3 quilómetros da LU-P-5506, de Augasoxa a Trabada.

– O Valadouro: acondicionamento de 4,4 quilómetros de 2 estradas provinciais: LU-P-1502, de Burela, por Vilaestrofe, a Ferreira e LU-P-6303, de Campo, por Guín, ao eixo de Moas.

– Viveiro: acondicionamento de 4,5 quilómetros de 3 estradas provinciais: LU-P-6601, de Misericordia a Silvarosa; LU-P-6611, de Magazos a Fontecoba e LU-P-6613, do cemiterios novo á igrexa de San Roque.

– Cervantes: acondicionamento de 10 quilómetros de 2 estradas: LU-P-1401, de Doiras ao Límite provincial de León e LU-P-1402, de San Martiño da Ribeira a Vilaquinte.

– O Incio: acondicionamento de 10 quilómetros de 3,1 quilómetros de 2 estradas: LU-P-2503, do Incio por Vilarxoan á LU-P-5603 e LU-P-2506, da LU-P-5711 en Saa por Balbón a Pacios.

– A Pastoriza: acondicionamento de 5,5 quilómetros de 2 estradas: LU-P-1106, de Castro de Rei, por Reigosa, a Lindín e LU-P-4402, da estrada de Paraxes a Lourenzá, por Bretoña a Muiñonovo.