Barreiros, 19 de xaneiro de 2018. O Bloque Nacionalista Galego en Barreiros comeza este sábado unha rolda de asembleas informativas para dar a coñecer a situación económica do Concello de Barreiros. Farao no Centro Sociocultural de San Cosme, ás 19:30 con unha xuntanza que, baixo o título SOS Barreiros, pretende servir para “informar sobre os orzamentos aprobados inicialmente o luns e analizar entre as veciñas e veciños as necesidades do Concello e as actuacións a levar a cabo”, explica a portavoz municipal.
Segundo explican desde a formación nacionalista “estas asembleas pretenden continuar co traballo de intercambio de opinións e ideas, así como servir para informar de cuestións que deberían ser explicadas polo goberno municipal. Pero dado que non teñen ningunha intención de informar verazmente da situación do Concello, desde o BNG comprometémonos a seguir traballando nesta liña.”
“Nós cremos na transparencia e na participación veciñal como o mellor xeito de xestionar un Concello e co traballo diario ao lado das veciñas e dos veciños é como se coñecen as necesidades e como se poden aportar as mellores solucións”, explica Ana Ermida. “Para nós a participación é un eixo fundamental na política municipal. Por iso tentamos que se elaborara un regulamento para que a veciñanza puidese intervir nos plenos municipais. Pero, ante a negativa do goberno municipal do PP, nós imos seguir predicando co exemplo e amosando que é posible actuar doutro xeito máis próximo á veciñanza”, conclúe.
O BNG inicia unha rolda de asembleas informativas polas parroquias sobre a situación económica do Concello
Relacionado
-
Balseiro reclama que España recupere o liderado pesqueiro perdido e esixa as mesmas regras para o peixe importado que para a frota estatal
-
A Xunta saca adiante unha nova normativa que axiliza o acceso ás titulacións profesionais e reduce á metade a duración do curso de mariñeiro pescador
-
A Deputación nega unha suba xeralizada das tarifas das residencias e acusa o PP de “mentir e alarmar ás familias”
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
