Cervo, 08 de febreiro de 2018.- O Concello de Cervo vai acometer unha actuación integral nos vindeiros meses no Camiño da Fonte de San Roque, no núcleo de Cervo.
Ata alí se desprazaron no día de hoxe o rexedor, Alfonso Villares, a edil de Medio Ambiente, Manuela Méndez, e o de Obras, Plácido Pérez, co fin de ver in situ o proxecto que se vai levar a cabo e que está orzamentado en algo máis de 117.000 euros.
O rexedor explicou que o proxecto foi encargado prioritariamente para renovar a rede de sumidoiros que hai na zona, que está deteriorada e que é moi antiga; “e ao mesmo tempo imos aproveitar para independizar as dúas redes, a de residuais e a de pluviais”.
Villares apuntou que a maiores tamén melloraremos o alumeado público, substituíndo o tendido en superficie por unha canalización soterrada e renovaremos a pavimentación da contorna; sempre respectando a imaxe senlleira do lugar, pero facilitando o transito aos viandantes e reducindo a pendente en tramos como o que une a Igrexa coa Fonte de San Roque “co obxectivo de humanizar toda unha zona moi simbólica e emblemática do núcleo de Cervo, e moi transitada polos veciños”.
O alcalde apuntou que é unha actuación prioritaria que imos levar a cabo nos vindeiros meses.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
