Lugo, 2 de febreiro de 2018.- O Secretario Xeral do PSOE na Provincia de Lugo, Álvaro Santos Ramos, o Secretario de Sanidade da Executiva Provincial Socialista, Miguel Fernández Méndez, o Vicesecretario Xeral e Alcalde de Monforte de Lemos, José Tomé Roca, e a Coordinadora coa Comarca da Mariña e Alcaldesa de Lourenzá, Rocío López García, mantiveron estes venres unha reunión de traballo con representantes das Plataformas en Defensa da Sanidade Pública da Mariña e de Monforte de Lemos, no que trataron o anteproxecto de modificación da Lei de Saúde Pública que impón o Partido Popular dende a Xunta de Galicia.
Este foi o 1º encontro entre ambas as dúas plataformas, que promoveron os socialistas porque, explicou o Santos Ramos, “cremos que é preciso sumar esforzos para visibilizar e concienciar que o anteproxecto de modificación da Lei de Saúde que nos impón o Partido Popular non é un problema dun só territorio, da Mariña ou de Lemos, senón un problema de toda a provincia, que, precisamente, onde menos visible é, na zona de Lugo, nos Concellos que pertencen á área sanitaria lucense e cuxo hospital de referencia é o HULA, vai a ser a máis afectada, onde máis recursos se retraían”. Fernández Méndez engadiu que “cando un especialista ou un médico de Lugo se teña que trasladar aos hospitais comarcais, que cada día teñen menos e menos recursos imprescindibles, non poderán atender aos de Lugo. Incrementaranse as listas de espera, que, en moitos casos xa son de 1 ano pola falta de recursos sanitarios”
“Este anteproxecto supón a desaparición das tres áreas sanitarias: Mariña, Lemos e Lugo, valentía que o PP demostra ter na provincia de Lugo, pero non na Coruña ou Pontevedra. O Partido Popular experimenta na nosa provincia, cos lucenses, co obxectivo de implantar o mesmo modelo sanitario que levou a Madrid, que é o da privatización dos servizos sanitarios, deixando, pouco a pouco, sen recursos a nosa sanidade pública”, engadiu Tomé Roca.
Os socialistas e os representantes das dúas plataformas destacaron a necesidade de “acudir en masa dende todos os puntos de Lugo, veciños de todos os Concellos, á manifestación do domingo en Santiago para defender a nosa sanidade pública e esixir a retirada deste anteproxectos. Cantos máis sexamos mellora. É a única maneira de dicir que os lucenses estamos aquí, xuntos. A única forma de paralos e saíndo a rúa”.
A realidade segundo a Plataforma en Defensa da Sanidade Pública en Monforte
A voceira da Plataforma en Defensa da Sanidade Pública en Monforte de Lemos, Francisca Vázquez Macía, destacou que “dixéronnos que este anteproxecto era un mero tramite administrativo. Xa con anterioridade a este anteproxecto, coa Estrutura de Xestión Integrada, o PP nos vendeu que se ían a achegar os recursos aos pacientes, que ían a desprazar os especialistas as áreas comarcais. A nós xa nos levan demostrado que iso é totalmente mentira. Levamos un ano coa falla dun especialista dixestivo, que non se cubriu, que ía a vir de Lugo. Mentira. Agora temos outra falta de especialista, que é un cardiólogo, que novamente non se cubre. Se este proxecto de Lei sae adiante vai a ser totalmente lesivo para os hospitais comarcais, para as tres áreas sanitarias, para todos os veciños da provincia. Na Comarca de Lemos, temos unha poboación moi envellecida, que lles resulta nefasto ter que desprazarse a Lugo pola falla de recursos que teñen, con pensións moi baixas, porque non teñen transporte publico, suprimírono, ou polas dificultades persoas e físicas”.
“No Hospital de Monforte temos un grande déficit de persoal, falta a nivel de enfermería, auxiliares, celadores… non están potenciando, como nos venderon, que ían a blindar os hospitais comarcais. Non é certo, porque o que esta habendo é un grande déficit de persoal de 27 sanitarios, aos que hai que sumar a falla de administrativos, facultativos….”
“Toda esta campaña que saíu de listas de espera nos hospitais é falsa. Din que Monforte de Lemos é o mellor hospital de Galicia. Mentira. Son listas de espera maquilladas. Son axendas pechadas. Os paciente van a pedir cita e dinlles que a axenda pechada, que xa os chamarán e pasan os meses. Por iso non figuran nas listas. Hai listas de espera en dermatoloxía de 1 ano, de TAC e resonancia de 6 meses. Incluso pacientes de oncoloxía que van a consulta e non teñen os TAC feitos. En Lemos, os paciente de cirurxía dixestiva xa se están traslando a capital. Claro, así lles sen unhas listas de espera fantásticas, aínda que teñamos unha plantilla con 6 ciruxanos”
“É necesario que a xente saiba que se nos unen aso pacientes das 3 áreas sanitarias, as listas de espera van a ser aínda peor, moitísimo máis altas. Este anteproxecto é lesivo para a sanidade pública. Hoxe un paciente de Monforte vai a contar publicamente a súa historia. Non lle deron cita para un dixestivo na sanidade pública, gardou e gardou. A través dun familiar, decidiu acudir a Povisa, en Vigo. Fixéronlle unha endoscopia e hoxe está recibindo quimioterapia. Quero animar a todos os cidadáns que defendan a súa sanidade pública, que este anteproxecto nos afecta a todos e estamos realmente en perigo”.
A realidade segundo a Plataforma en Defensa da Sanidade Pública da Mariña
En representación da Plataforma en Defensa da Sanidade Pública da Mariña, Arantxa Incera, explicou que “na Mariña temos un hándicap, que son as obras do hospital. O que están facendo é simplemente aumentar o tamaño das consultas, ao mesmo tempo que están eliminando os servizos. Por exemplo, trouxeron os historiais médicos para Lugo e non están telematicamente, o que nós supón máis e máis retrasos e ata anulación de consultas. Dixéronnos que non podiamos contar con este servizo porque non había espazo. Agora teremos espazo pero non o servizo. O persoal sanitario estase deixando a pel. Por exemplo, só temos unha única enfermeira para 30 pacientes. Cando a xente se atopa sen solucións, poñen reclamacións. Dende o 1 de xaneiro deste ano hai 274 reclamacións postas, falamos das rexistradas. Na Mariña estase facendo unha grande labor dende hai moito tempo. Conseguimos unha implicación da poboación. O único xeito de paralos e saíndo a rúa. A saúde para o PP é un nicho de negocio, para amigos e os seus sectores. Están xogando coa saúde. Temos 9 autobuses confirmados, superando as 500 persoas, así como as persoas que se despracen nos seus vehículos, para a manifestación do domingo en Santiago. Cantos máis sexamos mellor, é a única maneira de dicir que aquí estamos”
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
