Burela, 2 de febreiro de 2018. O concelleiro de Deportes, Ramiro Fernández Rey, destaca o interese deportivo e turístico que terá para A Mariña a celebración do Campionato de España de Seleccións Sub17 de Fútbol Sala Feminino, que se disputará en Burela, Foz e Viveiro do 7 ao 11 de febreiro. Hoxe tivo lugar a presentación deste evento deportivo no salón de pleno do Concello burelés.
Fernández Rey contou que “tivemos a presentación no salón de plenos do Concello de Burela do Campionato de España Feminino Sub17 de Fútbol Sala Feminio. Queremos agradecer, en primeiro lugar, á Federación Galega de Fútbol que se acordara de Burela para este tipo de competicións, que para min, como concelleiro de Deportes, e para o equipo de goberno son prioritarias, sobre todo as competicións de deporte base, como é este caso. O ano pasado xa apostamos polo campionato de baloncesto. E máis que sexa unha competición feminina, apostando claramente polo deporte en igualdade, tamén é algo que nos satisfai moitísimo e vamos seguir apostando por isto”.
O edil burelés relatou que “na presentación de hoxe estiveron presentes tanto o presidente da Federación Galega de Fútbol, Rafael Louzán, como o xefe de Deportes da Xunta de Galicia en Lugo, Manolo Cadramón; o deputado provincial e delegado de Deportes da Deputación, Pablo Rivera; os alcaldes de Burela e de Foz e o concelleiro de Deportes de Viveiro, así como o presidente do CD Burela FS, que tamén se sumaron a esta organización”.
O concelleiro de Deportes dixo: “temos que facer unha valoración moi positiva desta noticia para Burela. Eu penso que vamos poder gozar do mellor fútbol sala feminino que se pode ver hoxe en día en categorías sub17. Esperamos que a xente goce deste campionato e nós vamos apostar decididamente por este tipo de eventos porque ademais da repercusión deportiva que teñen tamén é importante a nivel turístico para toda A Mariña, o que hai que poñer en valor tamén”.
Ramiro Fernández Rey destaca o interese deportivo e turístico que terá para a mariña a celebración do campionato de España de seleccións sub17 de fútbol sala feminino, que se disputará en Burela, Foz e Viveiro do 7 ao 11 de febreiro
Relacionado
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
