Nesta última cita que inaugurou o alcalde, Alfredo Llano, e que moderou a concelleira de Inmigración e Cooperación, Angélica Gómez, participaron Nilda Borges, Ismael Awad e Antoinette Soler, que falarons das etnias nas redes sociais, sobre o racismo na lexislación española e sobre educación e inclusión.
Durante toda a semana, do 19 ao 23 de marzo, celebráronse obradoiros por e para a diversidade, impartidos pola investigadora social e creador de Afroféminas, Antoinette Torres Soler. Estiveron orientados a alumnado da ESO dos IES Monte Castelo e Pedouro e tamén para educadoras, educadores e profesorado dos distintos centros de ensino de Burela, como o que tivo lugar o venres. Ademais tamén houbo actividades nos Ceips Vista Alegre e Virxe do Carme. Esta I Xornada de Análise da Pluraridade en Burela foi organizada pola Concellería de Cooperación e Inmigración.
Coa celebración da mesa redonda “A interculturalidade: unha mirada dende A Mariña”, que tivo lugar no salón de actos do Concello de Burela, rematou o venres unha semana chea de actividades para conmemorar o Día Internacional para a Eliminación da Discriminación Racial
Relacionado
-
O alumnado de 6º curso de Educación Primaria do Colexio Sagrado Corazón, de Ribadeo, celebrou cun evento o seu paso á ESO
-
O deputado de Rural, Daniel García, achegouse á rapa das bestas do Campo do Oso, que se celebrou este domingo coa colaboración da Vicepresidencia da Deputación
-
O Museo Etnográfico de Trabada acolleu este sábado a xornada “Saberes e Sabores do Eo”
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
