Ribadeo, 9 de marzo de 2018. O Concello ven de dar a coñecer o anuncio para a adxudicación do contrato de prestación do servizo de axuda no fogar na modalidade de dependencia. O importe é de 1.670.000 euros e as empresas dispoñen de 52 días (a contar dende a publicación deste anuncio no Diario Oficial da Unión Europea, que foi o 5 de marzo) para presentar as súas ofertas. Serán prestadas un total de 31.964 horas de atención a 50 ou 60 usuarios dependentes, segundo adiantou esta mañá a concelleira de Servizos Sociosanitarios, Sonia Meilán.
A edil ribadense anunciou que “acaba de saír a oferta pública do contrato de prestación de servizo de axuda no fogar na modalidade de dependencia. Debido á cantidade da oferta non só se publica no BOE e no BOP senón que tamén se publica no Boletín Oficial da Unión Europea. O valor estimado do contrato é de 1.670.000 euros, e a data límite para presentar as ofertas son 52 días contados a partires do 5 de marzo do 2018”.
Sonia Meilán explicou que “a oferta é para cubrir 31.964 horas anuais, que darían servizo máis ou menos entre 50 ou 60 usuarios, dependendo do grao de dependencia que teñan. Canto máis dependente máis horas se lle darían, e entón variaría o número de usuarios”.
A concelleira de Servizos Sociosanitarios salientou que “o servizo consiste na atención a domicilio das persoas dependentes, pero as empresas poden obter máis puntuación presentando servizos adicionais que melloren a calidade deste, como por exemplo o servizo de fisioterapia, perruquería, podoloxía, etc…, a domicilio. Terá tamén en conta a prestación dunha bolsa de horas gratuítas que nos cede a empresa, e valorarase o prezo de hora do servizo”.
Sonia Meilán engadiu que “a nosa intención non é só dar unha excelente calidade no servizo que se presta aos usuarios e usuarias, senón ademais outro tipo de prestacións importantes, para moitas persoas que non poden saír das súas casas e non poden acceder á perruquería, á podoloxía ou á fisioterapia, entre outros”.
O Concello de Ribadeo anuncia a adxudicación do Servizo de axuda no fogar a persoas dependentes por un importe de 1.670.000 euros. As empresas interesadas dispoñen de 52 días para presentar as súas ofertas
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
