Burela, 8 de marzo de 2018.- O Grupo Municipal Popular de Burela manifesta, coincidindo co Día Internacional da Muller, o seu apoio ás reivindicacións en materia de traballar pola igualdade entre mulleres e homes e rematar coas fendas salariais e sociais existentes.
Ao mesmo tempo, os populares denuncian “o cinismo e a incapacidade” da concelleira de Igualdade, Patricia Otero, pois, “mentras presume de actividades neste Día, ten sen executar moitas liñas do IV Plan para a Igualdade entre Mulleres e Homes do Concello de Burela 2015-2017, elaborado polo anterior goberno municipal do PP, en marzo de 2015, anuncia que secunda a folga convocada para hoxe”; cuestión esta última que, como non podía ser doutro xeito, os populares “lle recoñecemos como dereito, pero si que criticamos que non faga pública a renuncia da contía que lle corresponde pola adicación parcial que cobra de todos os cidadáns deste concello”.
Os edís do PP reproban “a contradicción” na que incorre a edil. A este respecto, lamentan que “a Sra. Otero nin se molestou en coñecer este plan e, polo tanto, non avanzase en moitas das liñas de actuación marcadas no mesmo”. Tal é así que, nestes momentos, explican que o alcalde e a concelleira deberían estar someténdoo a trámite de consultas e aprobación. “Non hai practicamente nada feito e nin se lle agarda porque non está incluído no Plan Normativo para este ano 2018”. E é que, indican, “dende logo ao PP non se nos está convidando a nada, a pesares de que si o están a facer con outras asociación e axentes sociais do pobo”, puntualizan.
“Está en folga dende que tomou posesión”
Para os edís populares, “respectando, insistimos, os seus dereitos, resulta dificilmente entendible que esta concelleira se sume ao parón convocado, cando está en folga dende que tomou posesión, xa que nin nada novo leva feito en materia de Igualdade e Servizos Sociais, nin fixo o que tiña que facer e, por riba, destacan, cobra 14.000 €/ano dos petos de todos os cidadáns por unha adicación de catro horas diarias ao Concello”.
Con todo, os populares queren deixar claro que “non temos nada en contra de que secunde a folga, está no seu dereito, pero se o fai temán agardamos que teña o xesto, que de momento non o tivo, de renunciar por escrito ao que lle correspondería percibir polo día de hoxe, sexan dez euros ou cen. Porque ir a unha folga e cobrar por ir, non é demasiado presentable”. De feito, sinalan, “non estaría mal que fixera público o escrito que acredite dita renuncia”.
“Perda de tempo, de cartos e ata de talento”
Finalmente, o Grupo Municipal do PP manifesta a súa decepción con esta concelleira, xa que “ter unha edil cobrando a cantidade indicada para soster pancartas, ir a folgas, cobrar por non traballar, non ter ningunha iniciativa propia, e estar no Concello para non se sabe exactamente que, é unha perda de cartos, de tempo, e ata de talento”, conclúen.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
