Lugo, 9 de marzo de 2018.- O Grupo Provincial do PP lamenta que a desconfianza que existe entre o presidente e o vicepresidente da Deputación, os dous do PSOE, levaran hoxe a Darío Campos a intentar tomar Suplusa pola forza, para quitarlle competencias sobre as residencias, pese a que a sociedade ten a encomenda de xestión desde o ano 2010.
Desde o PP critican que a deriva que ten tomado o Goberno socialista provoque, unha vez máis, un novo retraso na apertura das residencias da Deputación, en concreto das instalacións de Castroverde, pese a que hai máis de dous meses que conta co permiso de inicio de actividade (PIA) que outorga a Xunta.
Segundo informan os medios de comunicación Darío Campos propúxolle hoxe á Xunta de Goberno declarar a perda de condición de medio propio de Suplusa respecto da Deputación Provincial de Lugo para a prestación de servizos sociais, o que supón, segundo entenden os populares “intentar tomar Suplusa pola forza” e baleirala de competencias.
Desculpas aos traballadores
Exíxenlle a Campos que lles pida desculpas aos funcionarios de ambas as institucións aos que non está respectando, pese o labor que teñen desenvolvido ao longo de todos estes anos.
Os populares amosan a súa sorpresa ante a actuación de Darío Campos, cando onte mesmo non apoiaba a proposta do seu vicepresidente -e presidente de Suplusa- para ceder os terreos da residencia da Castroverde á Deputación. “Onte non quere que a Deputación asuma os terreos de Castroverde e hoxe quítalle todas as competencias das residencias a Suplusa para darllas á Deputación”, explican.
Dubida da súa propia xestión
Consideran tamén rechamante e froito da cerrazón política de Campos que el mesmo aluda a irregularidades na xestión de Suplusa, cando se refire a decisións que se tomaron pola unanimidade do Consello de Administración, do que el forma parte, polo que implicaría que se está a denunciar a si mesmo e poñendo en dúbida a súa propia xestión.
Os desencontros que manteñen os socialistas poñen en risco “unha vez máis” a apertura dos centros na provincia, o que os populares consideran “unha irresponsabilidade”. “Lamentamos que pretendan polos seus intereses persoais e políticos burlarse dos cidadáns de Lugo ao seguir paralizando a apertura das residencias a través deste tipo de decisións”, engaden desde o PP.
Así, a entrada en funcionamento da residencia de Castroverde volve quedar no aire, pese a contar con todos os permisos e a estar lista para a súa apertura. Os populares veñen advertindo desta situación desde hai tempo, polo que censuran que os veciños e veciñas de Lugo teñan que pagar os desaguisados dun Goberno provincial en descomposición no que non se fían uns de outros pese a ser do mesmo partido.
A falta de entendemento dentro do Grupo Provincial Socialista, que segue a ser evidente, vai manter paralizado o uso dunhas instalacións que custaron máis de 10 millóns de euros de fondos provinciais.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
