Burela 10-3-18. O Pescados Rubén Burela FS conseguiu sacar os tres puntos esta tarde nun partido moi duro na pista do Penya Esplugues Gironella (1-3). Tras o empate 1-1 da primeira parte, o conxunto mariñán conseguiu romper o partido con porteira xogadora e xa coa vantaxe de 1-3 demostrou a solidez defensiva necesaria.
O olfacto de Dany non tardou en atopar a rede, xa no minuto 5. Todo parecía presaxiar un partido cómodo para as filas galegas, con dominio desde o asubío inicial, pero o Penya reaccionou apertando, cunha escuadra burelista á que lle custaba atravesar, unha e outra vez, a primeira liña local. Antes de chegar ao descanso, o Penya topouse co empate, nunha xogada de banda con balón dividido que puido finalizar Riscos.
No minuto 26, Bea Mateos liderou o xogo de cinco para as galegas. E o gol non se fixo esperar; no 27 Lara Balseiro adiantou as laranxas. O 1-2 deulles a serenidade que precisaban as galegas e volveron á liña de catro. Tras o 1-3, de Tai a pase da recentemente chegada Jenny, o Penya apostou por xogo de cinco ante unha boa defensa do Pescados Rubén, que soubo manexar os últimos minutos para aferrarse aos tres puntos.
Vista Alegre con arrecendo irmandiño
A Bomboneira celebrará o primeiro derbi galego de Primeira en 2018. As pupilas de Julio Delgado e Lucas recibirán o Cidade das Burgas o próximo sábado, na xornada 21, con entrada gratuíta (18.30 horas).
Ficha técnica
Penya Esplugues Gironella: Nerea, Estela, Roig, Berta, Zoe, cinco inicial; tamén xogaron Arantxa, Riscos, Laura, Celia, Martita
Pescados Rubén Burela FS: Jozi, Dany, Cilene, Bea Mateos, Tai, cinco inicial; tamén xogaron Lara, Cami, Jenny
Goles: 0-1, minuto 5, Dany; 1-1, minuto 17, Riscos; 1-2, minuto 27, Lara; 1-3, minuto 31, Tai
Árbitros: Cano Gálvez // Bastidas Morella (Cataluña). Por Burela amarela para Bea Mateos (minuto 2), Jenny (minuto 8)
Incidencias: Partido correspondente á xornada 20 de Primeira RFEF disputado no CEM Les Moreras
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
