A Mariña, 10 de abril de 2018. O presidente da Mancomunidade de Municipios da Mariña, Alfredo Llano, asistirá o vindeiro venres, 13 de abril, ao acto de entrega dos Premios Coopera Galicia 2017. A Mancomunidade obtivo o segundo galardón, dotado con 25.000 euros, polo seu proxecto Catuxa que estará directamente enfocado aos 11 IES da comarca da Mariña para sensibilizar ao alumnado sobre a violencia de xénero. O acto de entrega desenvolverase a partir da unha do mediodía no hotel monumento mosteiro de San Clodio, en Ourense.
Alfredo Llano contou que “o próximo día 13 vou ir a recoller os Premios Coopera Galicia para entidades locais do ano 2017, nos que nos foi concedido o segundo premio, que está dotado con 25.000 euros. Ven ser a continuidade do que fixemos xa e polo que recibimos o primeiro premio neste tipo de programas Coopera referido á violencia de xénero. Fixéramos unha boa actuación e gañamos o primeiro premio con 40.000 euros na pasada edición. Agora participamos nesta nova edición cun programa de sensibilización sobre A violencia de xénero e igualdade entre mulleres e homes con impacto transversal, integral e sistémico destinado á poboación adolescente”.
O presidente da Mancomunidade explicou que “este programa, ao que lle chamamos Catuxa porque son as iniciais de coeducación, aprendizaxe transversal, unidade de xénero e adolescencia, imos enfocalo directamente aos centros educativos, aos once IES que hai na Mariña, e imos procurar levar este programa para sensibilizar á adolescencia sobre este tema tan preocupante como é a violencia de xénero. Imos empregar as novas tecnoloxías para procurar que chegue a todo o mundo, e vai ser un pouco continuidade daquel outro que fixemos hai dous anos, que tivo bastante éxito e realmente foi meritorio aplicar dende a Mancomunidade, como entidade supramunicipal que debe tratar de acoller este tipo de actuacións de xeito que entre todos os concellos procuremos axudarnos para que a violencia de xénero sexa algo superado”.
O tren da costa
Respecto á situación do tren Alfredo Llano lembrou que “hai uns días tivemos unha reunión en Moeche sobre o tren. Xa teño opinado sobre o que penso e o que vemos que ocorre co tren de Feve e o ancho métrico por toda a zona da Mariña, aínda que case hai que dicir por toda a zona galega desde Ferrol, Ortegal e A Mariña ata Asturias. Vemos que é un servizo que se vai deteriorando, que non se aposta forte por el, que non se ten en conta para o desenvolvemento integral da comarca da Mariña”.
O presidente da Mancomunidade indicou que “teño información, que vou estudar, sobre aspectos como os trens turísticos dos faros que é unha modalidade de trens para A Mariña e para Ortegal, que van parando en diferentes puntos e a través de autobuses achéganse a diferentes concellos. Imos estudar a posibilidade de polo menos aproveitar eses trens turísticos da Ruta do Faros para diferentes Concellos da Mariña. Estamos vendo a proposta que se nos fai desde Renfe e tratar de aproveitala. Imos ver se o solicitamos, unha vez que teñamos a reunión do pleno da Mancomunidade, e a ver se nos acollemos algún dos Concellos da Mariña a esta Ruta dos Faros”.
Alfredo Llano engadiu que “nesa mesma reunión falei cos técnicos da Xunta, sobre todo cos de mobilidade, sobre a necesidade de amañar a estación do tren de Burela posto que está moi deteriorado o chan, polo menos, na estación de autobuses, o asfaltado na zona onde aparcan os autobuses. Hai un compromiso desde a Xunta de reparar este asfaltado que fai moita falta repoñer inmediatamente na nosa estación. Estamos agardando a que nos dean noticias porque quedaron de avisarnos para vir facer as obras”.
A Mancomunidade de municipios da Mariña recollerá este venres un dos premios Coopera Galicia 2017 polo seu proxecto Catuxa destinado a sensibilizar ao alumnado dos IES da comarca sobre a violencia de xénero
Relacionado
-
A Deputación investirá 260.000 euros na mellora de dúas estradas clave de Burela
-
O Concello de Viveiro lembra as normas de seguridade e convivencia para a Romaría do Naseiro, que comezou este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
