Ribadeo, 26 de abril de 2018. ACISA Ribadeo pon en xogo na súa campaña do Día da Nai 300 euros en vales de compra para gastar nun só día co asesoramento e acompañamento dun persoal shopper. Trátase da primeira vez que se leva adiante unha acción deste tipo na comarca. Aquelas persoas que fagan as súas compras do 27 de abril ao 6 de maio no comercio asociado obterán as rifas para participar nesta campaña. O boleto gañador será aquel cuxas catro últimas cifras coincidan co premio do sorteo extraordinario da ONCE do 6 de maio, día da nai.
A persoa gañadora deberá recoller o seu premio nos quince días seguintes á data de celebración do sorteo. Este agasallo caducará o 21 de maio. De non ser unha nai a gañadora directa, o gañador ou gañadora deberá designar á súa nai ou a outra que coñeza para regalarlle o premio.
A gañadora gozará dun sábado, no mes de maio, dunha sesión de beleza e dun día de compras guiada por un asesor de imaxe que a acompañará para gastar os 300 euros deste premio, e para ter a oportunidade de que un experto a asesore para facer un cambio de imaxe aínda que sexa por un día. ACISA Ribadeo encargarase de poñer en contacto á gañadora do premio co asesor persoal, e a data para gozar desta experiencia fixarase entre a gañadora e o persoal shopper coa mediación de ACISA. Preferiblemente será nun sábado nunca máis tarde do mes de xuño. Para que a gañadora poida disfrutar do premio debe aceptar á súa entrega as condicións do concurso establecidas nas bases.
O agasallo incluirá ao menos un tratamento de beleza nun dos centros asociados, unha compra nunha xoiería e unha compra nunha tenda de roupa ou de complementos. Realizarase o pago cos vales de compra de ACISA Ribadeo e estará supervisado polo asesor de imaxe, que levará á gañadora aos establecementos asociados.
ACISA Ribadeo pretende con esta campaña “innovar, saíndonos dos tradicionais premios, de aí que pensaramos en contar co persoal shopper que acompañará á gañadora para facer un cambio de imaxe por un día. A asociación planificou esta campaña con especial cariño pensando nas persoas ás que vai dirixida, ás nais, ás que tamén temos que mimar de xeito especial”.
O xerente de ACISA Ribadeo, Jesús Pérez, subliña que “se trata da primeira vez que se pon en marcha unha acción deste tipo na Mariña. Pretendemos que sexa algo novidoso e orixinal nesta zona e queremos incentivar as compras no noso comercio, nos nosos locais asociados, xa que os últimos meses foron complicados para o sector. Desexamos que as vendas aumenten estes días e que esta campaña teña unha boa acollida entre a clientela do comercio ribadense”.
As bases da campaña, que foi presentada hoxe polo presidente en funcións, David Martínez, atópanse colgadas en todas as redes sociais de ACISA Ribadeo e tamén na súa páxina web para que calquera persoa poida consultalas.
Acisa Ribadeo pon en xogo na súa campaña do Día da Nai 300 euros en vales de compra para gastar nun só día co asesoramento dun persoal shopper. Trátase da primeira vez que se leva adiante unha acción deste tipo na comarca
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
