En Foz seguen a entrega de premios e os sorteos de novos agasallos da 2ª Ruta dos viños, que organizan nove locais hostaleiros das Rúas Álvaro Cunqueiro e Avenida da Mariña

Foz, 30 de abril de 2018. Hoxe tivo lugar a entrega dos premios aos gañadores do sorteo da semana pasada na 2ª Ruta de Viños de Foz, que organizan nove locais hostaleiros das rúas Álvaro Cunqueiro e Avenida da Mariña.
Os afortunados, que este luns recibiron os seus agasallos en Radio Foz, foron Carmen García e Nicanor Fernández. Neste caso foi a súa dona, Mª Conchi España a encargada de recollelo. Con eles estiveron os xerentes de Dandy e Happy Days, María e Augusto, respectivamente.
E tamén esta mañá coñecéronse os nomes dos novos gañadores desta 2ª Ruta de Viños de Foz. Fátima Mañón obtivo como premio unha cea para 5 persoas no restaurante Dandy. E Juan Vivero gañou 4 vales por valor de 20 euros cada un para consumir en Mayros, Aroma Café, Express e Anduriña.
Nove locais hostaleiros de Foz, socios do Centro Comercial Aberto, son os que organizan esta 2ª Ruta de Viños, que se desenvolve os xoves, venres e sábados desde o pasado 12 de abril e ata o 26 de maio. Os participantes son Leyton, Mayros, Xoyma, Dandy, Happy Days, Express, Anduriña, Xoiña e Aroma Café, establecementos situados nas rúas Álvaro Cunqueiro e Avenida da Mariña. Cada local ofrece unha tapa especial aos clientes os xoves, que venden a 1,50 euros.