Foz, 23 de abril de 2018. As concelleiras do BNG-AA de Foz, Lorena Seivane e Teresa Rego, presentan para o seu debate no próximo pleno, que se celebrará o xoves 26 de abril, unha moción reclamando un maior uso do galego por parte do Concello, como corresponde a unha Administración Pública que ten o deber de protexer e promover a nosa lingua.
A moción vén motivada polo retroceso no uso do galego por parte da institución municipal que se pode observar nos últimos tempos.
O BNG demanda nesta moción que o equipo de goberno proceda á substitución ou corrección dos sinais de tráfico escritos en castelán na Avenida da Mariña e noutras zonas do concello por outros que estean en galego, e que sexan tamén en galego os que se han de instalar na rúa Álvaro Cunqueiro cando rematen as obras de reforma.
Asimesmo propón que o equipo de goberno dispoña que as comunicacións escritas e informes emitidos polas distintas dependencias do Concello que actualmente en moitos casos son redactados en castelán o sexan en galego a partir de agora, e que os cartaces que anuncien actividades que se realizan no noso concello e nas que colabore a institución municipal sexan escritos na lingua propia de Galiza.
As concelleiras nacionalistas citan o Estatuto de Autonomía, a Lei de Normalización Linguística, a Lei de Administración Local de Galicia, o Texto Refundido da Lei da Función Pública de Galicia e os distintos decretos e ordes que desenvolven estes textos, que teñen en común o recoñecemento da obriga por parte das distintas Administracións de garantir os dereitos linguísticos dos cidadáns e de protexer e promover a lingua galega.
Tamén subliñan na exposición de motivos da moción a importancia da presenza do noso idioma nos espazos públicos e oficiais, tendo en conta que o seu uso constante e crecente nestes ámbitos é a única garantía da súa supervivencia.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
