Foz, 5 de abril de 2018. O Concello de Foz realizou obras de mellora de accesibilidade na zona comprendida entre A Rapadoira e As Torres onde acaba de construír dez ramplas de acceso a pasos de peóns para persoas con mobilidade reducida. Ademais farase unha zona deportiva en As Torres e cambiaranse as farolas do alumeado público nas rúas Breogán, Illa Nova e Rego de Foz.
O alcalde, Javier Jorge Castiñeira, explica que “dentro do plan de dinamización da zona que hai en Foz entre A Rapadoira e As Torres, temos que anunciar que xa se construíron, nesta última semana, dez pasos para accesos para persoas con mobilidade reducida. Eran necesarios posto que é unha zona na que usuarios deste tipo nos demandaban máis comodidade para acceder ás beirarrúas e pasar polos pasos de peóns. É certo que había esa necesidade e dentro da mellora da mobilidade do noso concello esta era unha zona que o necesitaba”.
O rexedor municipal engade que esta obra “únese a este plan co que queremos que a zona de As Torres teña moitísimo máis protagonismo e motísima máis actividade da que ten. O ano pasado fixéronse obras importantes como o asfaltado de toda a urbanización As Torres, tamén de aparcamentos do viario que hai entre As Torres e Corporacións, mellorouse moito ese acceso e fíxose unha reorganización da circulación. A isto hai que unir a nova noticia de incluír nese plan a nova área deportiva que imos facer en As Torres. Meteremos tamén a substitución de farolas na zona das rúas Illa Nova, Breogán e Rego de Foz, o cambio desas farolas esféricas que hai, que son totalmente ineficaces, por outras de catro metros, igual que se fixo no paseo da Ribeira”.
Javier Castiñeira destaca que “nestes dous anos vaise facer un cambio de imaxe importante na zona de As Torres, que o necesitaba e é algo que levábamos no noso programa. Eu creo que era unha obriga por parte do equipo de goberno posto que levaba moitos anos esta zona con moi poucos e investimentos e eu creo que os merece. Hai moitos residentes, moitos turistas, é unha zona moi preto da praia, con moita hostalería e vimos que coa reorganización que se fixo de tráfico nas rúas Illa Nova e Mariñeiro Chila fomos mellorando moito esta zona. Eu creo que é unha aposta importante do equipo de goberno por este barrio”.
O Concello de Foz executou obras de mellora de accesibilidade entre a Rapadoira e As Torres. Ademais fará unha zona deportiva e cambiará o alumeado público
Relacionado
-
As Festas do Oito ofrecerán gastronomía, música e actividades infantís do 4 ao 7 de setembro no Valadouro
-
A parroquia de Sante, en Trabada, celebra este domingo a terceira edición da Voltiña con percorridos e paellada popular
-
Ribadeo despedirá este sábado o verán cun Guateque dos anos 60 no Parque de San Francisco
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.