Lugo, 20 de abril de 2018. O Voceiro do Goberno da Deputación e Deputado de Relacións Institucionais, Álvaro Santos Ramos, esixiu hoxe á Xunta de Galicia que deixe de xogar coa saúde dos lucenses e implante dunha vez o servizo de Hemodinámica as 24 horas para atender debidamente aos doentes da nosa provincia que sofren un infarto. “Levamos anos reclamándoo os lucenses e tamén o piden os maiores especialistas en Cardioloxía, como o doutor Juanatey, que saben da importancia de dar unha atención rápida aos doentes que sofren un infarto, a Xunta xa non ten escusa na que esconderse para non dar a atención necesaria aos lucenses”.
Álvaro Santos instou á Xunta a implantar dunha vez o servizo de Hemodinámica 24 horas, tal como leva anos reclamando a sociedade lucense, e a atender as recomendacións que fan os profesionais máis cualificados da especialidade sanitaria de Cardioloxía, como o Xefe do Servizo de Cardioloxía do Complexo Hospitalario Universitario de Santiago, o doutor José Ramón González Juanatey, quen destacou que a atención aos doentes de Lugo as 24 horas “é unha prioridade”. Este importante especialista defendeu a necesidade de que a provincia de Lugo conte co servizo de Hematoloxía sen interrupcións e dixo que “o interese do doente ten que prevalecer” e “non pode haber diferencias en función do código postal”. O doutor Juanatey insistiu na importancia da atención aos doentes nas primeiras 24 horas logo de sufrir un infarto no XVIII Simposio Internacional de Cardiopatía Isquémica e Críticos Cardiovasculares, celebrado onte en Santiago de Compostela pola Sociedade Española de Cardioloxía, onde reclamou que a atención ao doente se debe “garantir tamén na fin de semana”.
Logo das rotundas declaracións que fixo o doutor Juanatey, o Voceiro do Goberno da Deputación e responsable de Relacións Institucionais emplazou á Xunta a actuar xa que “temos escoitado dicir aos responsables da Xunta de Galicia que só lle concederían Hemodinámica as 24 horas aos lucenses cando os técnicos o recomenden, pois agora xa non teñen escusa, as declaracións do doutor Juanatey son contundentes e clarificadoras”. Santos Ramos remarcou que “polo tanto esiximos á Xunta do PP que cumpran dunha vez cos lucenses, e que cumpran así tamén coa súa palabra, alomenos por unha vez, queremos que aos lucenses se nos atenda como recomendan todos os profesionais que son referentes da especialidade de Cardioloxía”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
