BURELA, 16 de abril de 2018.- “De conducirse de xeito pouco estético na política municipal local tampouco se libra a concelleira Patricia Otero”, sinala o Grupo Municipal Popular (GMP) burelés, pois a edil, a día de hoxe, “aínda non se dignou a trasladarnos a memoria avaliación do Plano de Igualdade entre Mulleres e Homes 2015-2017 do Concello, e tampouco se dignou a presentarnos o seu escrito de renuncia á parte do seu soldo municipal correspondente ao día 8 de marzo nin a súa nómina do mes pasado”, afirman.
Desde o Grupo Municipal indican que “a Sra. Otero anunciou publicamente que secundaría a folga do Día da Muller. Naquel momento, manifestamos, e así o cremos, que era moi libre de facelo, pero que se o facía tiña a obriga moral e a decencia de renunciar á parte correspondente do seu soldo municipal, xa que cobra 14.000’00€/ano por unha presenza física diaria no consistorio de catro horas”.
Os populares afirman que, o pasado día 29 de marzo, presentaron a través do rexistro electrónico do Concello un escrito solicitando copia da hipotética renuncia de Otero ao seu soldo do pasado 8 de marzo, incluíndo a petición de copia da nómina do mes de marzo, agás aqueles apartados suxeitos á Lei de Protección de Datos, para verificar a contía percibida pola concelleira dos fondos municipais e comprobar se se lle tiña detraída ou non a contía correspondente ao día 8. “Pois ben, a día de hoxe, non temos recibido ningún tipo de resposta, o que nos parece especialmente grave dado que estamos a falar dos cartos de todos os cidadáns. Que esta señora secundase a folga parécenos lexítimo, pero tamén consideramos que debería ter renunciado a cobrar a parte correspondente do seu salario, e nos dá igual que sexan 5€ ou 100€: non se trata de cánto, senón de cómo”, precisan.
Memoria Plan Igualdade 2015-2017
Dende o PP aseguran que “o mesmo día 29 de marzo reiteramos a nosa petición de 5 do mesmo mes da memoria avaliación do Plan de Igualdade entre Mulleres e Homes 2015-2017. Tampouco se nos tén contestado”. Diante esta situación, supoñen que “a Sra. Otero estará moi ocupada nos seus quefaceres diarios e por iso non ten tempo para elaborar a indicada memoria, e moito menos, por suposto, para enviárnola. Pero claro, se atende a unhas cousas, non pode atender a outras, aínda que o que menos importante sexa que cobre dos cartos de todos os contribuíntes bureleses. Para a Sra. Otero, esto debe ser o de menos”, destacan.
A este respecto, consideran que a edil debería aclarar todas estas cuestións e non escudarse no silencio, “mal enimigo para este tipo de situación”, indican. E todo isto, engaden, “coa conformidade do alcalde, que mira para outro lado antes de dicirlles nada aos seus concelleiros, para non rachar os xa de por si discutidos equilibrios dentro do goberno socialista. O descaro, a arrogancia e a prepotencia, xunto coa vagancia, son as normas de conduta do alcalde e dos concelleiros socialistas”, conclúen os edís populares.
O PP burelés asegura que Patricia Otero, que secundou a folga do día 8 de marzo, oculta datos sobre se cobrou do Concello o soldo dese día
Relacionado
-
A conselleira subliña en Meira que a rede de oficinas rurais é “fundamental para quen vive e traballa no rural”
-
O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
-
O PP lucense coincide co sector empresarial na necesidade de adoptar medidas en materia enerxética, da fiscalidade, da innovación e do talento para “favorecer a competitividade da provincia”
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
