Santiago de Compostela, 13 de abril de 18. Novo capítulo no “relato esperpéntico” do PP e do goberno europeo coa suposta candidatura de Galicia a constituírse en sede do Laboratorio Europeo de referencia de control bacteriolóxico de Bivalvos. O deputado do PP Pazos Couñago confirmoulle hoxe en Comisión ao portavoz de Marisqueo do Grupo Socialista, Julio Torrado, que “non existe documentación” da dita candidatura.
O parlamentario socialista presentou hoxe unha iniciativa para pedirlle á Xunta un informe sobre os pasos levados a cabo pola Xunta para defender a candidatura que fora anunciada por Feijóo no pasado mes de novembro despois de que o Ministerio votara a favor de disolver o organismo. Esta solicitude incluía “a documentación presentada e tramitada para solicitar ante o goberno de España constituír a candidatura de Galicia”.
O parlamentario do PP esforzouse hoxe en rexeitar a iniciativa argumentando que a dita documentación non existía porque nunca fora presentada. Torrado respondeulle lembrando que a conselleira dixera no Pleno do Parlamento do 12 de xullo que “así llelo solicitamos á ministra, aínda a semana pasada volvín remitirlle a documentación ao Ministerio”.
O responsable socialista acusou ao PP de elaborar un “Máster en trapalladas”, en alusión ao escándalo relacionado coa formación académica da presidenta de Madrid, Cristina Cifuentes. Acusounos de “fuxir cara adiante porque non son capaces de recoñecer un erro”, e advertiu que “cada declaración deixa en evidencia ás anteriores”, ademais de que a súa “obsesión pola opacidade demostra que hai algo que ocultar”.
Lembrou así á intervención da mesma conselleira do Mar, que con relación a este mesmo caso interveu en decembro para xustificar que no mes de xullo defendera a candidatura porque non souberan ata outubro que o organismo ía ser desmantelado. Daquela, sinalou Torrado, puxo en evidencia ao propio presidente da Xunta, quen un mes despois, en novembro, organizara un acto para anunciar a candidatura no Intecmar de Arousa.
Proceso
Torrado tivo que explicar hoxe de novo que o Ministerio de Sanidade votou o 18 de outubro en Bruxelas a favor da disolución do laboratorio mentres Feijóo anunciaba publicamente a candidatura na sede do Intecmar o 24 de novembro, máis dun mes despois.
Criticou que o PP e o goberno galego intentaran responsabilizar a Cataluña, supostamente presente no Comité Europeo de Plantas, Animais, Vexetais e Alimentos, e ao comisario de Saúde e Seguridade Alimentaria como presidente, obviando que non tiña voto na sesión que decidiu suprimir o organismo.
Explicou que naquela xuntanza si que participou o Ministerio de Sanidade, que ademais votou a favor, sen ter amosado ningunha obxección, como si que fixo Suecia, que presentou as súas alegacións en contra.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
