40 sendeiristas convocados por Pasada dás Cabras viaxaron este sábado á comarca do Deza para percorrer a ruta que os levou desde o Mosteiro de Carboeiro ata a Fervenza do Toxa. Esta ruta, de 10 Km., percorre os concellos de Vila de Cruces e Silleda. Partindo desde Carboeiro, visitaron o Mosteiro benedictino do século X. Despois iniciaron a camiñada por unha calzada medieval cara “A Ponte do Demo”, onde di a lenda que o diaño fixo un pacto cun dos frades para rematar as obras do Mosteiro a cambio das almas dos que falecesen un determinado día. Despois de relatar a lenda ao grupo a ruta se interna en “a fraga dous frades”, lugar de gran beleza e onde existen distintas especies como alcornoques. Posteriormente chegaron á área recreativa da Carixa onde existe un arco romano sobre o río. E remataron a camiñada na Fervenza do Toxa, con mais de 70 metros de caída libre, e que onte mostraba todo o seu esplendor xa que o caudal era máximo. A vindeira saída será o 12 de maio e a Poncevos (Asturias) para facer a ruta do Cares.
Pasada das Cabras realiza a ruta do Deza: Mosterio de Carboeiro – Fervenza do Toxa
Relacionado
-
O deputado de Rural, Daniel García, achegouse á rapa das bestas do Campo do Oso, que se celebrou este domingo coa colaboración da Vicepresidencia da Deputación
-
O Museo Etnográfico de Trabada acolleu este sábado a xornada “Saberes e Sabores do Eo”
-
Este venres desenvolveuse nun día sollleiro a excursión ao Labirinto de Rinlo que planificaron os Concellos de Alfoz e Valadouro para promover alternativas de lecer e fomentar a convivencia na rapazada dos dous concellos que integran o val
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
