File written by Adobe Photoshop¨ 5.0
A técnica de Cultura, Neves Paz, lembrou que “o ano pasado Beatriz propúxolle ao Concello, en nome de varios amigos do swing, de afeccionados á música e ao baile do swing, un encontro, aproveitando que temos unha vila moi bonita, cun programa que aínda que este ano se enriqueza naquela altura xa era bastante atractivo, que eran as clases de baile empezando desde o nivel máis baixo, concertos e algo que a nós nos gusta moito, que se agradece moito desde o punto de vista das programacións culturais, que é facer exhibicións de baile nas rúas”.
Neves Paz engadiu que “o ano pasado colaboramos co que era o caché e a organización dun concerto de música swing, e este ano imos repetir esa colaboración. Eu creo que é unha maneira moi enriquecedora de traballar en cultura cando recibes propostas tan atractivas, e tes a posibilidade de colaborar e de axudar a que sigan adiante. Desde o Concello agradecemos a esta asociación que nolo propuxera e que teñan estas propostas tan atractivas para todos os públicos e ao ser tamén cousas que van para fora inclúen ao maior número de xente posible”.
Pola súa banda Beatriz G. Ron, da asociación Swing Eo, quixo “dar as grazas ao Concello por apoiarnos porque é unha sorte para nosoutros e sen ese apoio non sería posible a primeira edición e esta outra tampouco”.
Beatriz G. Ron recordou que “a primeira vez non esperábamos nin 20 asistentes e acórdome que encarguei 70 chapas e quedamos sen elas, non dos que asistiron ás clases, pero si de todos os participantes en xeral. No swing lévase moito o de quedar na rúa, poñer música e bailar todos libremente, incluso ensinarse uns os pasos aos outros. Este ano intentamos facer outro concerto a maiores e ven xente dende Santander, e iso que en Bilbao están celebrando un dos festivais máis grandes de toda España. Tamén ven xente dende Vigo, Compostela, Coruña, Madrid, Xixón e Oviedo, e incluso ven unha dende Canadá. O ano pasado veu un chino que estaba de paso en Santiago facendo o Camiño, pero esta rapaza ven moi condicionada polo Swing Eo dende Canadá”.
A representante da asociación Swing Eo explicou que “o programa ten o venres un concerto cunha clase aberta para os asistentes ao concerto de rock and roll, e despois unha festa. O sábado hai as clases e un xantar conxunto. Pola noite temos o concerto do Concello e despois iremos a unha sala na que tivemos que pechar as inscricións porque xa non cabiamos máis. O domingo, dependendo se chove ou non, será no Cantón ou na praza de abastos, unha sesión vermú de baile libre con música en directo. Os participantes nas clases van ser 100 e na festa do sábado pola noite 130”.
Beatriz G. Ron engadiu que “a nosoutros o que máis nos gustaría sería poder facer aquí un grupiño que recibira unhas clases unha vez ao mes dalgún profesor que viñera, para despois o ano que ven acoller outro festival”.
Este Festival Swing Eo ofrecerá os concertos de The Swintonized Band e Viajeros del Swing. E as clases de baile serán impartidas polos profesores Carlos Cayuela e Julia Roig, e Karen Campos e María Sanz.
A organización do evento tivo palabras de agradecemento para os patrocinadores que son Galipizza, Rosa-Lar e Molino Pub.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
