Foz 21-4-18. O luns de Abril ás 20.30 no CENIMA de Foz, a asociación cultural A Pomba do Arco arranca a sexta edición da súas Xornadas “Sentirmos a Arte”, no marco do Mes das Artes Plásticas da Mariña, que comezará coa intervención do cineasta Xaime Miranda Méndez.
Xaime Miranda Méndez, natural de Cervo, onde a día de hoxe desenvolve a súa actividade profesional, licenciado en ciencias da información pola Universidade de Santiago de Compostela e master en realización cinematográfica pola Escola Superior de Cinema de Catalunya, é autor dunha ampla obra cinematográfica, onde se sinalan os seus traballos no campo dos vídeos musicais. A súa obra mereceu diversos recoñecementos da crítica e do público, acadando entre eles o premio do público do Festival de Cans en 2015 polo seu videoclip Floating de Mequetrefes ou o premio do xurado do mesmo festival en 2017 coa súa produción Oh Ayatollah- Mi Re La.
O relatorio de Xaime Miranda Méndez titulado “Os videoclip no tempo dos video clips” servirá para dar un repaso e divulgar a obra do cineasta mariñán, referíndose por unha banda a algunhas das creacións ou montaxes que mereceron un maior recoñecemento e por outra banda a determinados proxectos nos que está traballando actualmente.Algúns dos grupos para os que ten traballado no ámbito dos vídeos musicais son The Brosas, Oh Ayatollah, Mequetrefes, Agoraphofia, Basanta ou Golpe Radikal. Ao tempo a súa filmografía tense achegado tamén ao xénero documental, sendo autor en 2010 da obra Galiza Bravú, ou as curtamentraxes, onde se sinala como director do filme A Noite dos Dentes, premio cinema Fetus do Festival FKM d´A Coruña en 2017.
As xornadas Sentirmos a Ate terán continuidade o martes 24 de abril ás 20.30 no CENIMA de Foz cun relatorio a cargo da decana da Facultade de Belas Artes de Pontevedra Silvia García baixo o título de “Arte, artesanía e deseño”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
