Burela 1-5-18. O Pescados Rubén Burela FS alzouse co título da XXVII Copa Galicia Masculina, por primeira vez na historia laranxa, esta tarde ante o Santiago Futsal (4-3) nunha gran final nas que os da Mariña souberon reaccionar ao temperán 0-1 cunha orde exemplar e solvencia finalizadora na primeira parte e cun férreo e sólido traballo defensivo fronte ao recorrente xogo de cinco dos composteláns na segunda.
Problemas na saída de balón para Burela con primeiras tentativas compostelás. No minuto 3, sacou Pope, case voando baixo paus, a ocasión de Álex Verdejo e Santi. Pouco tardou o Santiago en adiantar, máis posto no partido, no 4, con Armando desde saque de banda. Hélder igualou a contenda nunha gran galopada pola banda tan só 2 minutos despois. Na súa segunda chegada á rede de Iago Barro, o Pescados Rubén volveu sentenciar nunha contra de Colacha que culminou Renato (minuto 8). Tan só 49 segundos restaban para o ecuador do primeiro acto e Renato fixo estalar a Bancada Laranxa co 3-1, nun lanzamento afastado dende saque de esquina.
A falta de seis minutos e medio para o descanso e con catro faltas, Matamoros liderou o xogo de cinco, con moito perigo. Tras unha man prodixiosa de Edu fronte a Hugo, saíu Héctor como porteiro xogador. Poucos segundos se fixo esperar o cuarto laranxa, cun roubo de Hélder en pista compostelá (minuto 17). Álex Diz capitaneou a mesma aposta con case dous minutos para o descanso e continuou así no reinicio. A resposta dos burelaos: no 22 Héctor volveu vestir de verde.
Iago Barro freou a Mata no 23 e Edu fixo o propio segundos despois ante Verdejo. Perdoaron os da Mariña o quinto na cuadrícula cun balón de Pope dende pista burelá evitado polo largueiro nun meteórico contragolpe con Renato, que marchou desviado. Foi entón cando aproveitaron os de Santi Valladares, con Verdejo (4-2, minuto 25).
Volveu resistirse o quinto do Pescados Rubén, no 29, a porta baleira nunha cita non apta para cardíacos na incesante aposta de cinco para os de Compostela. Edu, aliado co pau, e Pope, nun par de ocasións, souberon conter as embestidas rivais na liña de meta. Aferrouse Burela a unha defensa maxistral, cun Edu omnipresente. Volveu ter Renato unha nova vantaxe con paradón de Álex Diz no 36. Recuperou momentaneamente o xogo de cinco o Burela, con Chus. Novamente unha ocasión de Hélder a porta baleira sen recompensa. O Santiago puxo aínda máis emoción a esta trepidante final acurtando distancias Antonio Diz a tan só 27 segundos para o asubío final. Máis mérito aínda para o brillante campión irmandiño da XXVII edición.
O infantil, subcampión da Minicopa
O conxunto infantil, de Mario Pillado, proclamouse subcampión da I Minicopa Galicia. As Xoias Laranxas conseguiron o billete para a final despois de impoñerse 5-1 ao Esteo FS. Na pugna definitiva, o anfitrión, O Parrulo FS, alzouse co trofeo irmandiño con 0-6, despois de vencer na semifinal aos santiagueses 1-5.
Ficha técnica
Pescados Rubén Burela FS: Edu, Chus, Cora, Renato, Pope, cinco inicial; tamén xogaron Hélder, Héctor, Matamoros, Víctor, Colacha, Nito
Santiago Futsal: Iago Barro, Catela, Santi, Álex Verdejo, Med, cinco incial; tamén xogaron Isma, Álex Diz, Armando, Álex Velasco, Hugo, Antonio Diz
Goles: 0-1, minuto 4, Armando; 1-1, minuto 6, Hélder; 2-1, minuto 8, Renato; 3-1, minuto 10, Renato; 4-1, minuto 17, Hélder; 4-2, minuto 25, Álex Verdejo; 4-3, minuto 40, Antonio Diz
Árbitros: Martínez Torres // Cid Bragado. Por Burela amarela para Matamoros (minuto 5), Hélder (minuto 14). Por Santiago amarela para Álex Verdejo (minuto 17)
Incidencias: Final de XXVII Copa Galicia de Ferrol disputado na Malata ante preto de 2000 espectadores/as.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
