Atopámonos ás portas do último ano da actual lexislatura, iniciada en xuño de 2015, e desde o BNG cremos que é tempo de abondo para facermos balance das políticas levadas a cabo polo actual goberno municipal en Burela. Se ben é certo que nas eleccións locais de maio de 2015 se produciu un cambio político en Burela, non é menos certo que esta mudanza non supuxo unha mellora substancial na prestación dos servizos básicos, na aplicación de políticas sociais e de emprego ou na humanización de espazos públicos na nosa vila.
A remunicipalización dos servizos de limpeza, auga e lixo foi unha das principais promesas eleitorais do PSOE e a día de hoxe, tras case 3 anos de lexislatura, non foron quen de recuperar a xestión de ningún destes servizos. O goberno municipal tivo xa varias oportunidades para mudar o modelo de prestación, ao finalizaren os respectivos contratos coas empresas concesionarias da limpeza de instalacións municipais e recollida de lixo, mais lonxe de recuperar a xestión pública destes servizos, o PSOE optou por consolidar a xestión privada, incumprindo medidas do seu propio programa de goberno.
Xa no inicio da actual lexislatura, o goberno municipal tivo unha oportunidade de ouro para aplicar o seu programa de goberno, remunicipalizando o servizo de limpeza das dependencias e instalacións municipais, unha vez rematado o contrato da anterior adxudicataria. O goberno do PSOE só precisou uns meses para incumprir unha parte destacada do seu programa electoral e no canto de recuperar a xestión pública do servizo, optou por hipotecar o concello a catro anos sacando unha nova concesión por importe duns 800.000 euros.
Os orzamentos municipais de 2016-2017 foron totalmente continuístas, e os orzamentos para 2018 non melloran os anteriores, estando hipotecados polo alto gasto en servizos básicos privatizados (auga e lixo) e cunha importante redución dos investimentos. Mentres as empresas concesionarias continúan a engordar os seus beneficios, os veciños e veciñas de Burela pagan unhas das taxas máis caras de Galiza por conceptos como a recollida do lixo ou o abastecemento de agua, cunha prestación moi deficitaria destes servizos e mesmo incumprindo as condicións do contrato, como aconteceu coa empresa Celta Prix.
Desde o BNG entendemos que se estes servizos fosen asumidos e xestionados polo Concello, melloraría substancialmente a súa prestación e as arcas municipais veríanse moi beneficiadas ao aforrar os custos derivados da concesión. Deste xeito, poderiamos destinar este aforro a outras partidas orzamentarias como servizos sociais, un plan de emprego ou diversas inversións en materia de urbanismo, mobilidade e humanización dos espazos públicos. Estas xestións contarían en todo momento co aval dos informes técnicos preceptivos sobre a viabilidade, custo e aforro que suporía a remunicipalización dos servizos básicos.
Mario Pillado Mon
Portavoz Municipal do BNG en Burela
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
