O 9 de maio terá lugar o sorteo de 250 euros en vales de compra e de 5 tratamentos de beleza. Trátase dos premios que pon en xogo o Centro Comercial Aberto de Foz na súa campaña do Día da nai que se desenvolve ata o vindeiro domingo

Ata o 6 de maio desenvólvese a campaña do Día da Nai, que organiza o CCA de Foz. Todas aquelas persoas que realicen as súas compras estes días nos establecementos asociados a ACIA/CCA entrarán no sorteo de 5 vales por importe de 50 euros cada un e de 5 tratamentos de beleza. O sorteo terá lugar o 9 de maio en Radio Foz. Desde o Centro Comercial Aberto focense animan “a realizar as compras do Día da Nai no comercio máis próximo, no que temos a carón das nosas casas, en Foz. Os nosos locais contan con todo o que precisamos para renderlles a homenaxe as nosas nais, nesa xornada tan especial, que se celebra o vindeiro 6 de maio”.