Burela, 30 de maio de 2018. Este mércores tivo lugar no Concello burelés a recepción ofrecida aos dous equipos campións provinciais do Club Baloncesto Burela. Trátase do alevín feminino, que se proclamou campión provincial e 3º de Galicia, e do infantil feminino, que foi campión provincial e campión da Copa Deputación.
O edil de Deportes, Ramiro Fernández Rey, felicitou “ás xogadoras, ao corpo técnico e á directiva do club polos logros conseguidos esta tempada” e lembrou que “o equipo de goberno multiplicou por 5 as axudas que recibía o CB Burela con respecto ao anterior mandato”.
Fernández Rey subliñou que “estes títulos son unha festa e un recoñecemento para o deporte base” e engadiu que “desde o Concello sempre contarán co noso apoio”.
A recepción tamén foi ofrecida a Margarita Moreira, xogadora do Ensino de Lugo, que acaba de ascender á máxima categoría do baloncesto feminino español. O concelleiro burelés tivo palabras de felicitación “para Margarita e para o Ensino pola espectacular tempada que fixeron e que concluíu co retorno deste club á elite do baloncesto feminino”.
Presidiron a recepción o alcalde de Burela, Alfredo Llano, e o concelleiro de Deportes, Ramiro Fernández Rey.
O baloncesto feminino protagonizou a recepción ofrecida esta tarde no Concello as equipos campións provinciais do CB Burela e á xogadora do Ensino Margarita Moreira
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
