Lugo, 2 de maio de 2018. O Vicepresidente da Deputación e Alcalde da Fonsagrada, Argelio Fernández Queipo, o Deputado de Deportes, Pablo Rivera Capón, e o Tenente Alcalde da Pontenova, Francisco Martínez Bermúdez, presentaron este mércores no Concello da Fonsagrada a IV Volta Ciclista ás Comarcas de Lugo, Desafío Volta Lugo 2018, que terá lugar os vindeiros días 25, 26 e 27 de maio organizada polo Club Cidade de Lugo. O Goberno da Deputación é o principal patrocinador deste evento deportivo cunha achega de 65.000 euros, pois trátase da única volta cicloturista por etapas desenvolvida en Galicia e unha das poucas de toda a Península Ibérica, sendo xunto cos Concellos da Fonsagrada, A Pontenova e Lugo, as únicas administracións que colaboran. A volta desenvolverase durante a fin de semana en tres etapas, que pasarán por doce municipios da provincia: Lugo, Castro de Rei, A Pastoriza, Riotorto, Lourenzá, A Pontenova, Meira, Ribeira de Piquín, A Fonsagrada, O Cádavo, Castroverde e Pol.
Fernández Queipo destacou “a repercusión mediática e económica deste evento deportivo para a provincia pola oportunidade de promoción que supón, así como pola gran cantidade de xente que se achegará a presenciar o espectáculo. Non en vano, a día de hoxe, e a falta de dúas semanas para que remate o prazo de inscricións, xa hai máis de 165 persoas de toda Galicia, así como doutras comunidades como Valencia, Estremadura, Asturias, Castela e León, e do norte de Portugal, apuntadas para participar na Volta ás Comarcas. A esta cifra hai que engadir os acompañantes e afeccionados á bicicleta que durante tres días se darán cita na nosa provincia, enchendo os hoteis e locais de restauración dos concellos polos que transcorre o percorrido, e deixando uns beneficios próximos aos 100.000 mil euros”.
A novidade máis importante deste DVL2018 é a participación dun ciclista de luxo como é Joseba Beloki, ex ciclista profesional que destacou como gran escalador e contrarreloxista de alto nivel especializado en grandes voltas por etapas, destacando entre eles os seus 3 podios no Tour de Francia (2º en 2002 e 3º en 2000 e 2001).
Os interesados en participar no Desafío Volta Lugo 2018 poden formalizar a súa inscrición ata o vindeiro xoves, 17 de maio, a través da páxina web http://www.desafiovoltalugo.com/producto/inscripcion/. Outra das novidades nesta edición é que todos os clubs ciclistas da provincia de Lugo poderán participar totalmente de balde, co obxectivo de promover o deporte base lucense.
Programación das etapas
A primeira etapa terá lugar o venres 25 de maio, os corredores sairán ás 11:00 horas da Praza Maior do Concello de Lugo e chegarán á Praza dos Fornos, no Concello da Pontenova. En total, percorrerán unha distancia de 83,5 quilómetros, cun desnivel acumulado de 1.118 metros positivos, atravesando altos de montaña como o Alto de o Alto de Cruz da Cancela (3ª Categoría) ou o Alto de Augaxosa (1ª categoría).
A segunda etapa disputarase o sábado 26 de maio con saída ás 10:00 horas dende a Praza dos Fornos da Pontenova. O remate desta segunda etapa terá lugar na Praza do Concello da Fonsagrada, completando unha distancia de 114,6 quilómetros e 3.143 metros de desnivel positivos. Neste segundo día, os ciclistas enfrontaranse a altos de montaña como o Alto de Coto de Frades (1ª Categoría); o Alto de Cruz de Barreiros (2ª Categoría), o Alto de A Lúa (1ª Categoría), o Alto de Cruz de Meira (1ª Categoría), ou o Alto de O Hospital (1ª Categoría).
Finalmente, a terceira etapa da Volta celebrarase o domingo 27 de maio. A saída terá lugar ás 10:00 horas dende a Praza do Concello da Fonsagrada, e a meta estará situada no complexo deportivo Forus Lugo. En total os corredores realizarán 90,5 quilómetros de distancia, nesta última etapa cun desnivel acumulado de 1047 metros positivos, pasando por altos de montaña como o Alto da Fontaneira (3ª categoría), ou o Alto de Montecubeiro de 2ª categoría.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
