Foz 29-05-2018.- A ponte vella da Espiñeira sobre o río Masma e o tramo de da antiga N-642, continúan sendo de obrigado paso para saír da estrada Vilaronte Espiñeira cara a calquera dirección, polo que un importante número condutores utilízana a diario.
Na actualidade, no devandito tramo, o asfalto esta moi deteriorado, habendo fochancas de considerables dimensións e as marcas viarias de sinalización horizontal, que delimitan tanto o borde da calzada como os carrís de circulación, son inexistentes ou están practicamente borradas.
O grupo socialista, atendendo á demanda dos usuarios e veciños, levará unha moción ao pleno deste xoves, onde espera acadar o acordo da corporación para instar ao Ministerio de Fomento o arranxo e aglomerado deste vía.
O PSOE tamén espera algo mais de seriedade, por parte de Fomento e dos diferentes cargos do PP dende a Ministra Ana Pastor ó senador Barreiro, pasando pola presidenta do PP Elena Candia ata o Alcalde de Foz, no mantemento da estrada N-642. A principios de ano anunciaban que se investirían 2’92 millóns de euros en arranxar o firme coa previsión de que na primavera comezasen os traballos, e a día de hoxe vemos que o único que hai é “outro anuncio” de acometer unha partida de emerxencia 800.000 euros, que consideramos escasa e tardía. Si cos anunciados 2’92 millóns rehabilitarían o firme de 20 quilómetros, os 800.000 euros non chegan nin para parchear a metade das fochancas que presenta a N-642, nin para darlle o firme que necesita a enormemente transitada e deteriorada estrada da costa.
No PSOE, preguntámonos que garantías temos, de que ese novo anuncio se execute, cando levan años anunciando o arranxo. É algo demandado en pleno en Foz en diferentes ocasións nos últimos dous años e caso omiso. O alcalde de Foz ten coñecemento da demanda e do cabreo dos veciños dende fai moito tempo, facíalle falta que viñese a Ministra Pastor e o senador Barreiro a ver as fochancas de estrada da costa para tomar conciencia do problema? Xa estamos fartos de tanto paripé que chega tarde e, é solo un intento de quedar ben, si queren quedar ben xa saben o que teñen que facer, acometer a reparación integral da N-642 e deixarse de anuncios.- rematan os socialistas.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
