Seguen este mes as mobilidades nas que están a participar alumnos e mestres de APAGA en varios países

Ribadeo, 10 de maio de 2018. Seguen este mes as mobilidades nas que están a participar alumnos e mestres de Apaga en varios países.
No caso dos profesores as súas saídas enmárcanse no proxecto Mejorando las aptitudes y competencias claves en la FP. Xa as houbo a Turquía, Romanía e Finlandia durante o mes de abril. Neste mes de maio varios mestres están en Croacia do 6 ao 12, en Letonia do 7 ao 14, e outros viaxarán a Italia do 21 ao 27 de maio, Dinamarca do 24 ao 31 de maio, Eslovaquia do 28 de maio ao 4 de xuño e República Checa do 4 ao 11 de xuño.
Por outra banda, Apaga continua desenvolvendo o proxecto Impulso a la Empleabilidad coa mobilidade de 20 alumnos de grado medio de electromecánica de vehículos e carrocería da familia profesional de Transportes e Mantemento de Vehículos.
Varios rapaces fixeron prácticas en abril en empresas de Italia e de Portugal. Este mes de maio catro alumnos realizan prácticas en Zagreb e tamén en Italia. Con esta última mobilidade rematan dous anos de traballo intenso no que alumnos de distintos puntos de España fixeron practicas en países de Unión Europea, baixo a tutela de Apaga (Asociación de Profesores de Automoción de Galicia).