Burela, a 18 de xuño de 2018. A CIG-Saúde exise do SERGAS que rectifique na súa decisión e dote o Hospital da Mariña dunha Resonancia Magnética Nuclear fixa que permita ofrecer aos e ás doentes un diagnóstico precoz, acurtar os tempos de agarda e frear as derivacións que se están a producir a centros privados da provincia para realizar unhas probas que terían que facerse na Mariña.
A resonancia magnética é unha ferramenta insubstituíble, segura e indolora na cal se utiliza un campo magnético e ondas de radio para obter imaxes detalladas dos órganos e as estruturas do corpo. Utilízanse para detectar unha gran variedade de afeccións: os problemas cerebrais, da medula espinal, o esqueleto, o tórax, os pulmóns, o abdome, a pelve, os pulsos, as mans, os nocellos e os pés.
Malia os anuncios propagandistas do PP, no día de onte, o SERGAS confirmou que a pesares da “ampliación” do Hospital da Costa, este NON CONTARÁ cunha RNM fixa e que seguirá tendo soamente unha unidade móbil que acudirá ao centro uns días ao mes.
Ante este novo golpe á sanidade pública da comarca, a CIG-Saúde considera que “xa abonda de mentiras, de afastar a sanidade da xente, de querer converternos en cidadáns e cidadás de segunda, de obrigarnos a sufrir longas listas de espera ou a desprazamentos innecesarios a Lugo para facer negocio coa nosa saúde e así encher o peto de empresas amigas”.
Neste senso, apunta que a falta dunha Resonancia Nuclear Magnética fixa no Hospital da Mariña provoca un aumento das listas de agarda; o incremento das derivacións á medicina privada, concretamente ao centro privado-concertado POLUSA na capital de provincia, alimentando aínda máis con cartos públicos a este centro; e o atraso nos diagnósticos, cando poder contar cun diagnóstico precoz resulta vital para instaurar o tratamento necesario e mellorar o prognóstico da patoloxía.
As promesas baleiras do PP
Dende CIG-Saúda lembran que a creación deste servizo é unha vella promesa do PP, que hoxe se revela como unha mentira máis. Así, o 29/11/2014 o daquela alcalde do PP de Burela, José María González Barcia, aseguraba que pedir unha Resonancia Nuclear Magnética fixa sería oportuno «se non estivese en marcha o proceso de ampliación deste centro hospitalario». Deste xeito daba a entender que coa tan cacarexada ampliación, a veciñanza da Mariña disporía dunha RNM fixa no Hospital da Mariña. O agora Delegado Territorial da Xunta cansouse de repetir que coa ampliación, a comarca contaría con “máis e mellores servizos e que nunca teríamos tantos e mellores servizos como coa ampliación”.
“Historicamente, o PP reiteraba que a falta de espazo era o motivo para non dispor da RNM fixa e agora que dispoñemos de máis espazo tampouco disporemos desta ferramenta diagnóstica radiolóxica. Son estes os “máis e mellores servizos” anunciados polo PP para a sanidade da nosa comarca?”, pregúntanse dende CIG-Saúde A Mariña.
Esperas de máis de oito meses para unha resonancia
Dende a Federación de Saúde da CIG subliñan que as consecuencias da falta de RNM fixa son evidentes e claro exemplo é o caso do doente que foi chamado a facer unha resonancia tras reclamar e ameazar con tomar medidas legais, ao ser citado para o seu diagnóstico en novembro de 2018.
O caso, feito público pola Plataforma Sanitaria da Mariña (da que forma parte esta central sindical) foi o seguinte: un paciente ponse en contacto coa Plataforma porque quere que se lle axude a facer una reclamación en Atención ao Paciente. O home padece de dor, inchazón e tumefacción no antebrazo esquerdo dende o mes de xullo deste ano. Acode ao seu médico de cabeceira, que lle pon un tratamento ao que non responde e por este motivo vai ao Servizo de Urxencias do Hospital da Costa, do cal sae sen diagnóstico e co mesmo tratamento que lle puxeran no centro de saúde. O problema persiste, non mellora en absoluto, derívano a Reumatoloxía e danlle cita para o 7 de novembro do 2017, solicitándolle analítica, resonancia e radiografías, mais cítano para ver os resultados e coñecer o seu diagnóstico e establecer un posible tratamento o día 26 de novembro de 2018, máis dun ano despois da sua consulta de Reumatoloxía.
Por todo isto, o paciente presentou unha reclamación en Atención ao paciente o día 23 de novembro de 2017, solicitando que se lle axilizasen os trámites para diagnosticar e tratar o seu proceso, cualificando de “inadmisible” semellante lista de espera. Na reclamación, que ten o número de rexistro 2727, o usuario conclúe que de non axilizarse os trámites tomará as medidas legais que considere oportunas.
O 28 de novembro, o paciente recibe una chamada telefónica na que lle notifican que vaia ao hospital o día 29 de novembro a realizar a devandita resonancia. Dita resonancia foi mal realizada non sendo valida e a día de hoxe, 18 de xuño de 2018, continúa agardando. É dicir unha espera de 8 meses, polo que segue sen saber o diagnóstico e sen tratamento de ser necesario.
CIG Saúde esixe ao PP que deixe de desprezar e enganar á veciñanza da Mariña e reclama do SERGAS que rectifique na súa decisión e dote o Hospital da Mariña dunha resonancia magnética nuclear fixa.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
