Ribadeo 21-6-18. Os atletas ribadenses Aleix e Brais Díaz Salas, participaron esta pasada fin de semana en senllos Campionatos de España.
Aleix que fora convocado pola selección galega de atletismo sub-16, participou no Campionato de autonomías, que se celebrou en Avilés na tarde do sábado e na mañá do domingo. O turno de Aleix foi na matinal do segundo día de competición, formando parte dos relevos 4*100 e 4*300 m.l., cuns excelentes resultados. Nos 4*100 Galicia conseguiu a 6ª posición da xeral cun rexistro de 45,74 seg. o que supuxo batir o record galego da distancia. Pouco tempo máis tarde era o turno dos 4*300 m.l., onde se melloraría a posición cunha terceira posición de 2,27.39 min., o que supoñía ademáis da medalla de bronce un novo record galego.
A selección galega acadou a 4 praza ó final do campionato, a escasos puntos do terceiro clasificado, que foi Andalucía, sendo medalla de prata a Comunidade de Madrid e campións do campionato, Cataluña.
Pola súaa banda, Brais participaba coa Escola Atlética Lucense no Campionato de España sub14 de clubs, que se celebraba en Guadalajara. Neste caso, cada atleta debía competir nun concurso (salto ou lanzamento) e nunha carreira. Brais participaba na sesión de tarde do sábado en lanzamento de peso, cunha posición 23 dun total de 60 participantes, cun mellor lanzamento de 8,09 m.
Xa na matinal do domingo era o turno dos 80 m.l. onde acadaría a 8ª posición da súa serie, cun tempo de 13,29 seg. Bos resultados para Brais, posto que nas dúas probas conseguiu mellorar as súas mellores marcas.
A Escola Atlética lucense conquistaría a 19ª posicón dun total de 30 participantes, posto moi meritorio tendo en conta que dos 8 compoñentes do equipo, 7 eran de primeiro ano.
O pódium do campionato estivo composto por Playas de Castellón, Cueva de Nerja de Málaga e Simply-Scorpio 71 de Zaragoza
Gran participación dos irmáns Díaz Salas nos seus respectivos Campionatos de España
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
