Burela, 9 de xuño de 2018. O Concello de Burela organiza unha viaxe institucional a Madrid do 28 de xuño ao 1 de xullo. O obxectivo é promocionar o bonito de Burela na capital do Estado. Haberá unha degustación o 30 de xuño nun restaurante. A expedición que viaxará a Madrid visitará o Congreso e o Senado así como o Madrid dos Austrias e dos Borbóns, entre outros lugares.
O alcalde, Alfredo Llano, anuncia que “faremos esta viaxe institucional na que imos colaborar o Concello e A Moncloa, a asociación de xubilados do mar que este ano deu o pregón, máis Ledicia porque, entre outras cousas, queremos facer alí unha degustación de bonito, para ter un acto promocional do bonito de Burela, de como se pesca, etc…, unha información completa. Imos facela en Madrid nun restaurante para poder publicitalo e informar á xente, porque queremos que se saiba como se pesca o bonito e o bo que é este túnido, para que sexa comprado en calquera sitio de España. Invitaremos tamén á prensa, hai xa unha serie de xornalistas que van estar alí para saber como se cociña. Será unha degustación extraordinaria, polo tanto como nos parece importante imos facelo en Madrid, a capital de España”.
O rexedor engadiu que “aproveitando esta viaxe imos facer unha visita ao Congreso dos Deputados máis ao Senado, veremos o Madrid clásico dos Austrias e dos Borbóns, e tamén faremos unha visita ao Escorial e ao Valle dos Caídos”.
Alfredo Llano manifestou que “nos parece importante facer este tipo de actos e visitas institucionais dado que se pretende darlle importancia a Burela, que sexa coñecida e ademais presumir do que temos, que é un bo porto con bo peixe que se pesca artesanalmente e cunha calidade extraordinaria. Ao mesmo tempo tamén aproveitamos para que, xa que nos achegamos a Madrid, vexamos o máximo que se poida esta xente do mar da Moncloa, Ledicia e a xente do Concello que vaiamos, vendo o que merece a pena en Madrid”.
ÚLTIMA HORA
- A Deputación achega 250.000 euros á Pontenova para mellorar infraestruturas e servizos municipais
- Arrinca a sétima edición de Plans con corazón, con 16 actividades para descubrir A Mariña
- O Pleno de Burela abordará a Conta Xeral de 2025 e tres expedientes de recoñecemento extraxudicial de crédito
- O Concello de Tapia de Casariego enviará á Consejería de Educación e ao Consorcio de Transportes o informe da Policía Local que alerta de que a supresión da parada escolar da Ventosa, en Mántaras, obriga seis alumnos a realizar un itinerario de 2,1 km pola N‑634 sen iluminación nin pasos de peóns, con riscos graves para a súa seguridade
- O Concello de Tapia de Casariego enviará á Consejería de Educación e ao Consorcio de Transportes o informe da Policía Local que alerta de que a supresión da parada escolar da Ventosa, en Mántaras, obriga seis alumnos a realizar un itinerario de 2,1 km pola N‑634 sen iluminación nin pasos de peóns, con riscos graves para a súa seguridade
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras. - Unha ITV móbil para inspección de vehículos agrícolas estará no mercado gandeiro de Vilanova de Lourenzá os días 5, 6, 7 e 8 de outubro
A cita previa pode solicitarse a través do teléfono 981.928.080 ou da web www.sycitv.com. - A Sala Cultural Xosé Vizoso, en Sargadelos, acolleu esta fin de semana o II Torneo de Xadrez de Cervo, unha cita na que a concentración, o deporte e o xogo en equipo foron protagonistas
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender. - O deputado Daniel García participou, xunto ao alcalde de Muras Manuel Requeijo e a tenente alcalde Paula Gómez, na entrega de premios do Gran Premio CiclistaConcello de Muras, que se celebrou este sábado coa colaboración da Vicepresidencia da Deputación
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura. - O Concello de Vilalba incorporou este venres ao seu parque móbil municipal dous novos vehículos híbridos con distintivo ambiental ECO, que estarán destinados ao uso do persoal municipal e ás necesidades derivadas da actividade diaria do Concello
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026. - Este venres, a presidenta da Deputación, Carmela López, e a deputada de Muller e Igualdade, Marisol Morandeira, participaron xunto ao alcalde de Xermade, Roberto García, na inauguración do XXVI Encontro Internacional de Torneiros da Madeira, a cita que se celebrou no polideportivo deste municipio chairego ata o domingo e que reuniu a reputados profesionais do mundo da tornaría
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal. - A alcaldesa de Vilalba, Marta Rouco, e a concelleira de Deportes, Paula Vigo, recibiron este venres no Concello á deportista vilalbesa Julia Cabarcos, logo de converterse na primeira galega en lograr unha praza para o Mr. Olympia de Las Vegas, unha das citas de maior prestixio internacional do culturismo
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
2021 Crónica 3 A Mariña - Implementado por GaliciaDigital