Lugo, 18 de xullo de 2018. Máis de 81.000 persoas de 42 países abarrotaron a pasada semana o Concello de Viveiro co Resurrection Fest, xerando uns 2.000 empregos directos e indirectos, e sen ocasionar ningún tipo de incidente durante os catro días que durou a cita. Así o avanzou este mércores, na localidade mariñá, o Deputado de Relacións Institucionais, Álvaro Santos Ramos, xunto á Alcaldesa de Viveiro, María Loureiro García, e o Director do Festival, Iván Méndez Rodríguez.
Santos Ramos apuntou que “un ano máis podemos cualificar de éxito rotundo o Resurrection Fest, pois durante catro días 81.350 persoas de 42 nacionalidades diferentes participaron no que xa é o festival de música metal e rock máis importante de España, e un dos máis relevantes de Europa. Evidentemente, isto supón un importante retorno económico para o Concello de Viveiro, que esgotou tanto as 2.000 prazas hoteleiras como as 12.000 de cámping municipal; para a Comarca da Mariña, pois moitas das localidades limítrofes recibiron visitantes; así como para o conxunto do territorio lucense. Neste senso, estase a elaborar un estudio do impacto económico do Resu na provincia de Lugo que publicaremos en próximas datas”.
O Deputado lembrou que “Deputación e Concello de Viveiro apostamos por este festival dende a súa primeira edición, da man de Melchor Roel, e hoxe en día seguimos sendo as administracións galegas que máis colaboran. Dende a Deputación, facémolo con máis de 130.000 euros, pois sabemos que apostar polo Resu é apostar pola provincia, como así o demostran as cifras desta décimo terceira edición do festival. Este festival xera un volume de negocio similar ao mundial de Rusia, porque o impacto no territorio é inmediato. Por cada euro investido pola Deputación, conseguimos un efecto multiplicador de 100 euros de beneficio”.
Loureiro García subliñou que “un dos aspectos máis salientables do certame é a xeración duns 2.000 postos de traballo directos e indirecto pois, por exemplo, contratouse persoal de seguridade, produción, iluminación, son, limpeza, atención nas
taquillas… e tamén para reforzar o servizo en bares, restaurantes ou hoteis”.
Así mesmo, a Alcaldesa destacou “o bo ambiente que se respira durante o certame, proba disto é que nas 13 edicións que se levan desenvolvido nunca houbo ningún tipo de altercado nin trifulcas. Así, nun evento desta magnitude é de resaltar a inexistencia de calquera tipo de denuncia e tampouco se rexistraron incidencias con respecto ao mobiliario urbano. Neste senso, é de agradecer o civismo e bo comportamento dos asistentes e, por suposto, a implicación e boa acollida que sempre demostran os veciños de Viveiro e, especialmente, os de Celeiro, que durante varios días ven interferida a súa actividade cotiá, porque desde o Concello desviamos o tráfico, prohibimos aparcar, cortamos accesos, iso é necesario para que o festival se desenvolva con éxito, pero tamén grazas ao respecto, a tolerancia e a colaboración de todos os veciños. E como non, á organización de todos os equipos de seguridade”.
Finalmente, Méndez Rodríguez apuntou que “por terceiro ano consecutivo logramos colgar o cartel de cheo para a actuación principal, a do grupo estadounidense KISS, pois xa o conseguiramos con Iron Maiden na edición de 2016 e con Rammstein en 2017. Este éxito, sen dúbida, é un aliciente máis para seguir traballando de cara a conseguir superarnos na edición do ano que vén”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
