Santiago de Compostela 19-7-18. O Consello da Xunta autorizou hoxe a subscrición dun convenio de colaboración entre Turismo de Galicia e a Mancomunidade de Municipios da Mariña Lucense, que permitirá dar continuidade á colaboración establecida con este destino desde hai anos para consolidar esta zona do norte da provincia de Lugo como un destino turístico diferenciado e de calidade.
O convenio mobilizará un investimento de preto de 200.000 euros, dos que a Xunta achegará 160.000 euros e que terá os 16 concellos da Mancomunidade como destinatarios. No marco desta colaboración, prevese a consolidación de produtos turísticos, a formación dos profesionais do sector e a posta en marcha de accións que reforcen o papel do Camiño de Santiago neste destino.
En concreto, o acordo, que estará vixente ata finais de 2019, inclúe a continuación das rutas de artesanía, e como novidade inclúe a posibilidade de realizar mapas ou material similar para facilitar a localización dos obradoiros e dirixir así o fluxo de visitantes directamente cara a estes recursos. Tamén se inclúe a continuidade de eventos como o Mes da Maxia, un produto turístico que se desenvolve nos meses de outubro e novembro, contribuíndo así a ofrecer atractivos turísticos tamén fóra de tempada alta.
Tamén se terá en conta o Camiño de Santiago, incluíndo a posibilidade de poñer en marcha ferramentas web que axuden á promoción do Camiño do Norte ao seu paso pola Mariña lucense. Afondarase igualmente na formación dos profesionais do sector, en especial os da hostalaría e inclúense accións encamiñadas a reforzar a comunicación e promoción xeral do destino.
No marco da Estratexia do turismo de Galicia 2020, a Xunta afonda desde xeito na súa aposta por consolidar a Comunidade como un destino diversificado que é quen de ofrecer atractivos turísticos repartidos por toda a xeografía galega. En cada zona póñense en valor os seus mellores recursos propios, o que axuda a especializar a oferta e a desestacionalizar a chegada de visitantes, sempre con dúas premisas: a calidade e a sustentabilidade a todos os niveis.
A Mariña lucense consolídase como destino turístico, e acumula xa cinco anos consecutivos de incremento na súa demanda hoteleira. O Camiño do Norte, que entra en Galicia por esta zona do norte de Lugo, reforza o seu papel como terceiro itinerario preferido dos peregrinos. No que levamos de ano, esta ruta xacobea está a medrar a un ritmo de máis do 11%.
A Xunta mobiliza case 200.000 euros para reforzar o potencial turístico dos concellos da Mariña
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
