Viveiro 9-7-18. A Alcaldesa de Viveiro, María Loureiro García, e a Subdelegada do Goberno na provincia de Lugo, Isabel Rodríguez López, presidiron hoxe a Xunta Local de Seguridade que se reuniu na Casa do Concello e que, entre outros asuntos, aprobou o dispositivo de seguridade que se porá en marcha con motivo da celebración do Resurrection Fest 2018.
A Alcaldesa destacou que “tivemos o placer de que presidira esta xuntanda a nova Subdelegada e na reunión de hoxe démoslle prioridade aos temas de seguridade do festival que xa está traendo xente nestes días a Viveiro e agardamos que, un ano máis, se desenvolva con total normalidade”.
A Subdelegada do Goberno na provincia explicou que “traballamos coa máxima colaboración para garantir que este evento se celebrará con tranquilidade, para nós o primordial é asegurar a seguridade das persoas, tanto dos vivairenes como os que veñan de fóra nestes días para disfrutar do festival”.
No plan de seguridade aprobado hoxe, para garantir que o evento discorrirá con total tranquilidade e sen incidencias, colaborarán as Policías Local, Nacional e Autonómica, a Garda Civil e os servizos de emerxencia, Bombeiros e Protección Civil, así como a organización do Resurrection Fest, No festival, que se celebra en Viveiro do 11 ao 14 de xullo, agárdanse unas 85.000 persoas.
Todos os corpos de seguridade e servizos de emerxencias reforzaranse para atender posibles incidencias e realizarán controis tanto nos accesos como no recinto.
A Policía Nacional contará co apoio de persoal a cabalo e guías caninos procedentes da Coruña. A Garda Civil, pola súa parte, tamén colaborará no dispositivo de seguridade e o Subsector de Traico ocuparase de regular a circulación nas vías de acceso a Viveiro, ademais de realizar controis preventivos de alcol e drogas. A colaboración da Garda Civil completarase coa participación dos efectivos do Servizo Marítimo que manterá atracada a súa patrulleira no peirao de Celeiro. O Parque de Bombeiros manterá unha dotación dedicada exclusivamente a atender o festival e Protección Civil colaborará con equipos que oscilarán entre 10 persoas, o mércores, e 30 na xornada do sábado.
A Policía Local manterá en funcionamento o seu dispositivo desde o mércores ás 8 da mañá ata o domingo ás 15 horas. En canto ás restriccións ou cambios de tráfico previstos son os seguintes:
rúa Lavandeiras, en Celeiro, o treito que discorre desde a antigua conserveira de Alonso ata a Confraría de Pescadores pasará a convertirse en vía de doble sentido de ciruculación desde o mércores ás 8 horas ata o domingo.
Avenida de Ramón Canosa-treito entre a LU-862 (estrada de Ribadeo) e o cruce a piscina municipal: este treito pecharase completamente ao tráfico o mércores desde as 17 horas ata o remate do concerto (sobre as 3 horas), e o xoves, venres e sábado desde as 13 horas ata o remate dos concertos (aproximadamente as 5 horas)
Estrada LU-862 (estrada de Ribadeo): haberá desvíos puntuais de tráfico de noite, sobre todo no horario previo ao remate do concerto, na gasolineira de Celeiro (o tráfico desviarase pola estrada vella LU-102 cara a Viveiro) e na Glorieta próxima a Comisaría da Policía Nacional
A Policía Autonómica tamén montará un dispositivo especial con motivo do Resurrection Fest, neste caso centrado na prevención do consumo de alcol por menores de idade.
O desplegue que realizarán os distintos corpos e forzas de seguridade completarase coas medidas de que desenvolverán os propios organizadores do Festival, das que deron conta tamén na Xunta Local de Seguridade. A organización disporá dun servizo de seguridade privada composto por 120 persoas dentro do recinto, que cubrirán todas as salidas e ten previsto montar 15 canais de acceso con persoal en todos os pasos.
Segundo avanzaron na Xunta Local de Seguridade os organizadores, o recinto abrirase o mércores ás 17 horas e o resto dos días ás 13.30-14 horas. A apertura de portas será sempre unha hora antes do comezo de cada espectáculo.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
