Ribadeo, 3 de xullo de 2018. O alcalde, Fernando Suárez, ven de dirixirse ao novo ministro de Fomento, José Luis Ávalos, para que proceda a iluminar a Ponte dos Santos. O rexedor alega cuestións de seguridade, de dignidade e de sentido común, e alude ao baixo impacto económico que esa actuación suporía para ese departamento. Suárez Barcia agarda que o novo goberno non teña castigadas por un capricho a dúas vilas como Castropol e Ribadeo.
O alcalde explicou que “nesta xusta batalla que estamos librando desde hai varios anos tanto o Concello de Ribadeo como o de Castropol, desde o Concello de Ribadeo, e espero que o alcalde de Castropol faga o mesmo tamén, vimos de dirixirnos ao novo ministro de Fomento, que está neste cargo desde hai poucos días, para explicarlle esta situación arbitraria, caprichosa e de mala fe que levamos, desde hai varios anos, por mor dos responsables anteriores do Ministerio de Fomento no que ten que ver co alumeado da Ponte dos Santos”.
Fernando Suárez lembrou que “isto xa trae cola desde hai varios anos, e simplemente estamos explicándolle que os Concellos non podemos asumir custes de infraestruturas que non son da nosa titularidade, agás que se delegue expresamente esta competencia e que veña acompañada do correspondente financiamento, cousa que nunca tivo lugar”.
O rexedor subliñou que “o que queremos é concienciar ao novo ministro de que o alumeado da Ponte dos Santos é útil e necesario para os peóns, para os ciclistas, sobre todo para os peregrinos que cada vez veñen en maior número, e para os veciños dunha e outra banda da ría de Ribadeo, xa que nin o ancho da beiravía, son aproximadamente 80 cms, está adaptado a ningunha norma legal nin tampouco á disposición das reixas cumpre medida legal algunha”.
Suárez Barcia engadiu que “lle explicamos tamén os acordos unánimes que adoptamos os dous concellos xa no ano 2015 para que rematara esta situación, e pedímoslle que poña sentidiño a esta incuria, por alcumalo dalgunha maneira, dos anteriores mandatarios porque consideramos de imperiosa necesidade a iluminación da Ponte dos Santos por seguridade, por dignidade e por sentido común. Tamén facemos fincapé no baixo impacto económico que esta actuación lle supón ao Ministerio de Fomento, e deste xeito non ter castigados, por un capricho político, a dúas vilas como Ribadeo e Castropol”.
O rexedor confía en que “desta vez vaia e que tomen boa nota dos argumentos legais e técnicos que lles estamos expoñendo”.
Fernando Suárez envioulle unha carta ao novo titular de Fomento explicándolle toda esta situación.
O Alcalde ribadense pídelle ao novo Ministro de Fomento que proceda a iluminar a ponte dos Santos
Relacionado
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
