Ribadeo, 16 de xullo de 2018. O grupo do Partido Popular no Concello de Ribadeo critica ao goberno municipal porque os contedores de lixo de varias parroquias do municipio levan quince días sen recoller. E ademais moitas estradas municipais, como as que unen Meirengos con Rinlo, atópanse nun estado lamentable. Para o voceiro popular, Jesús López Penabad, dá a sensación de que os actuais gobernantes locais se cansaron de atender as necesidades dos veciños.
O portavoz do PP denunciou publicamente hoxe que “as estradas que unen Meirengos con Rinlo seguen nun estado deplorable. Non son estradas, son auténticas fochancas. Eu recoméndolles aos de Rinlo que adianten a data da Festa do Percebe porque aquí só se fan as cousas cando está a punto de ser a festa, e eles como a teñen a principios de agosto pasan o verán con todo abandonado. É lamentable”.
Jesús López Penabad engade que “os gobernantes municipais están ofertando que teñen 255.000 euros para arranxar pistas, pero, por favor, tapen as fochancas e fagan as estradas transitables. Pero é que non son só as estrada, porque o paseo e unha fonte que hai en Rinlo están sen desbrozar, está todo abandonado. Que pasa?, que lles teñen manía? Eu xa non sei como recordárllelo para que actúen. Desde a oposición facemos o que podemos, que é denuncialo, porque quen ten que facelo é o equipo de goberno, de dez concelleiros do BNG con maioría absoluta. Ese traballo teñen que realizado eles e pedímoslle que o fagan. Ou é que xa non teñen ganas de gobernar? Aburríronse de atender as necesidades dos ribadenses? Aí hai unhas eleccións e creo que o que están gañando, con tanto pasotismo, é quedarse fóra. Pero isto non é cousa nosa senón do electorado ribadense”.
Ademais López Penabad explica que “tivemos queixas de veciños porque nas parroquias, polo menos nalgunhas, levan quince días sen recoller o lixo dos contedores. Como comprenderán, en pleno mes de xullo hai vermes xa nos contedores e preguntámonos que é o que pasa. Outro abandono total. Non sei si se avariaron os camións ou cal é o problema pero aquilo clama ao ceo: por sanidade, por estética, por olor e por todo. É outro signo máis de pasotismo, de deixadez e de falta de goberno que estamos notando en Ribadeo, porque teñen que facer un traballo pero non o fan”.
Para rematar o portavoz do PP ribadense comentou: “nosoutros seguiremos denunciando todo o que nos fagan chegar os veciños, que é o noso traballo e ademais así o cremos necesario”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
