Foz 28-7-18. As xornadas de historia de Foz arrancan o luns 30 de Xullo ás 20:30, na Casa da Cultura “Poeta Manuel María” de Foz coa proxección do documental inédito “Foz, Cangas e Lourenza”, elaborado a comezos dos anos 50 polo cangués Antonio Díaz Ortiz e cunha palestra posterior a cargo de Martín Fernández Vizoso no que fai un percorrido pola traxectoria vital do autor do mesmo. A investigación de Fernández Vizoso, titulado “Antonio Díaz Ortíz, cineasta, empresario e oficial republicano”, repasa a vida deste veciño de Cangas que despois de combater ao lado do exercito republicano e fuxir da represión franquista, instalouse en Madrid, onde se significou como importante empresario, mantendo ao longo da súa vida unha grande paixón polo audiovisual. A cinta agora recuperada por Fernández Vizoso, conservada pola familia de Díaz Ortíz preséntanos imaxes dun Cangas, dun Foz e dun Lourenzá descoñecido, pousándose nos nomes de moitas persoas e familias destas localidades.
O autor da investigación, Martín Fernández Vizoso é un xornalista, escritor e profesor natural de Cangas de Foz, se ben a súa carreira profesional desenvolveuna en Madrid, Santiago, Pontevedra ou Lalín, onde traballou como como delegado do xornal La voz de Galicia e director de Cadena Noroeste, Radio Voz e Onda Cero de 1988 ao ano 2000. Autor dunha abondosa produción ensaística, onde destacan os volumes Pontevedra desde el aire, Los centros de la emigración pontevedresa en Buenos Aires ou Fomento de la Instrucción Gallega, mantén diversas colaboracións en prensa escrita, exercendo como Vicepresidente da Asociación de Periodistas de Galicia. Ao tempo está centrado nunha investigación sobre os emigrantes mariñáns en America, aspecto sobre o que leva traballando desde fai unha chea de anos e sobre os que ten achegado diversas palestras en edicións anteriores das xornadas de historia organizadas pola Pomba do Arco.
Segundo sinala Martín Fernández Vizoso, “Antonio Díaz Ortiz foi un focego que ostentou o cargo de Capitán do Exército Republicano na guerra civil de 1936. Tralo remate da contenda, fuxiu do Madrid franquista atado ao eixe dun camión de transporte de pescado do cangués Pascual Fernández Saá. Estivo agochado tres anos en Cangas e Cordido e foi xulgado en rebeldía polos tribunais de Franco en Xixón. De volta a Madrid, na posguerra chegou a ser un empresario de éxito, propietario de oito panaderías e tafonas na capital, catro barcos de pesca en Foz e A Coruña e varias fincas de cultivo de cereais en Tarancón (Cuenca) e Toledo. Nos anos 50 converteuse nun pioneiro do Documentalismo na Mariña despois de fotografar e gravar, con modernos medios audiovisuais, diversos aspectos etnográficos e paisaxísticos da comarca como as mallas, a pesca, as festas, as vilas ou diversos tipos de xentes”.
Martín Fernández Vizoso indicou que “dende os anos 50, cando a televisión chega a España, Antonio Díaz Ortiz converteuse nun pioneiro do Documentalismo na Mariña. Cunha moderna cámara Packard 38 gravou audiovisuais de tipo social e etnográfico en diversas vilas da comarca, sobre todo Cangas de Foz, Ribadeo, Viveiro, Foz e Vilanova de Lourenzá. Mallas, festas, procesións, tipos de xentes e diversos paisaxes foron recollidos por él pero tamén instantáneas fotográficas sobre eses mesmos temas. A súa laboura de produción audiovisual –de gran calidade pero non profesional senón aficionada- levouno a gravar tamén actos e eventos sociais e públicos de Madrid e outros puntos de España. Neste sentido, destaca o feito de que, ao ser Antonio Díaz, gran afeizoado e seguidor do Real Madrid, foi el quén gravou as primeiras producións audiovisuais que recollen triunfos e éxitos deste equipo de fútbol nos anos 40 e que foron recentemente incorporadas ao Museo do Real Madrid polo seu carácter inédito e pioneiro”.
As xornadas continuaran o martes 31 de xullo ás 20:30 na Casa da Cultura “Poeta Manuel María” de Foz, a quenda correspóndelle Xosé Ramón Ermida Meilán, autor de diversos traballos de investigación sobre a localidade, algúns dos cales foron publicados en diversas edicións da revista Bolanda. A palestra de Ermida titulada “ A fotografía focega. 1906-1936” propón unha viaxe a través da fotografía pola historia da localidade nas primeiras décadas do século XX, centrándose nos trabalos fotográficos de Alberte Bravo,Andrés Gamboa e Manuel Luxilde, os fotógrafos cos que contou en Foz nese periodo, así como na obra do ribadense Benito Prieto e do mindoniense Santiago Pernas. Ermida proxectara cincuenta instantánea destes autores, entre elas a primeiras colección de postais da localidade, realizadas na década de 1910.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
